... glaabscht dann des? E-Book

Heinz Ludwig Wüst

• Herausgeber: Books on Demand
• Kategorie: Poesie und Drama
• Sprache: Deutsch
• Veröffentlichungsjahr: 2017

Seitenzahl: 95

Beschreibung

Gedichte, Geschichten, Anekdoten in Pfälzer Mundart und Hochdeutsch, die das Leben schrieb. Unterhaltsam, heiter besinnlich und ironisch. Menschliches und tierisches, Wortspielereien lassen die Frage offen: "... glaabscht dann des?"

Leseprobe

Gereimtheite und U´gereimtheite

Heiter – ironisch - besinnlich

2. Auflage

Kapitelverzeichnis:

Kapitel 1 Menschen wie du un ich – un annere

Kapitel 2 Holdi Weiblichkeit, die Fraa

Kapitel 3 Äbissl Technik – ä bissl gschäftlich

Kapitel 4 Viechereie

Kapitel 5 Äbissl alles durchenanner

Kapitel 6 Rund um die Kerch

Kapitel 7 Besinnlich unn nooch

denklich

Kapitel 8 Wortschbielereie

Kapitel 9 Jenseits vun de Palz

Kapitel 10 Geschichte unn Anekdote

Inhaltsverzeichnis

Übersetzungen

Inhaltsverzeichnis

Vorwort

„…glaabscht dann des?“

Mensche wie du unn ich – unn annere

Juchendfaulheit

Englisch, nix wie Englisch

Kaffeeklatsch

Alteise

Schuldebuckl

Borjemääschders Los

Es ist halt schön

Es is halt schää

Leider

Beriehmt

Ru(h)m

Verdauscht

Schunn?

De Pedder Fritz

Alsfort

So ä Pech awwer aa!

Sippetreffe

´s schänschte Wort im Wortschatz

Hätt´scht des gedenkt?

Ab unn zu

Fettabbau?

Urlaubsvorbereitung

Holdi Weiblichkeit, die Fraa

Aacheblicke

Diefblickende Aacheblicke

Schdringtanga

Männerg´schbrääche

Glicksmomente

Nur desweeche?

Multifunkzional

Herzensa´gelecheheit

Verliebte Aacheblicke

Koschtbarkeite

Weibliches Lächeln

Beim nächschde Mol…

Partnerleasing

Bschluss

D´ Magreet

Fünf Kusslscher

Chrischtl vun de Poscht

Pälzer Vagabund

Haushaltsolympiade

Rum is rum!

D´ Schwischermudder

Wie lang eichentlich?

Der perfekte Mann

Romanzekiller

Ä bissl Technik – ä bissl gschäftlich

Fer umme?

Guder Compjuder

Defragmentiert

Äppes

Notfalldoos

Ausblicke

Süß – süßer – am süßesten

Viechereien

Fer d´Katz?

Gockeleie

Mein Goldfisch

Koppwackeldackel unn d´ Papierklooroll

Scheiß Micke

Schnookechores

Maus im Haus

Deshalb!

Zum Einzug

Leo

Zum Fresse gern

Reschewormbluus

Äbissl alles durchenanner

Geklärt unn u´geklärt

Hammermääßich

Schämscht dich net?

Kuppermünze

Kreizl unn Kreiz

Tonsur

Schäpp

De Schbreisl

Rache der Waldgeischter

Gaadeärwet

Hexenacht

Rodie Brieh

Eikaafsbumml

Bazill

Noochdischgewitter

Maachebitter

Erschder Rausch

Quiz-Duell

Geworschtelt

Zum Johresend

Sparsamer Oschderhaas

Verschoweni Weihnachte

Rund um die Kersch

Pälzer Biwl

Lese fer de Dom

De Kaiserdom zu Speyer

Weil mei Großmudder ä Mädl war!

Fääschefeier

Glaabscht`s du?

Ä kläänie Sünd?

Druckfehlerdeiwl

Danke

Mein Freund

Besinnlich unn noochdenklich

Schau in den Spiegel

Mein Herzenswunsch

Honich im Kopp

Iwwerm Berch

Ich wääß es noch!

Bremsbelääch

„Ich kann ders nit saache“

Wortschbielereie

Dicht, Dichter, am dichteschde

Gut, besser, geil

Weihasser

Thema Wei

Landwertschaft

Ebbes a´gschdellt?

Ebbes Kläänes

Ebbes zum Heile

Ebbes g´sucht

Ebbes gerett

zwäbbes

Stännich!

Gedenkt

Jenseits vun de Palz

Nordfriesische Inselliebschaften

Dithmarscher Liebesleben

Ostfriesisches Inselhüpfen

Schbätzlkriech

Soure Kuattle

Badischer Auswanderer

G´schichte unn Anekdote

Nomen est omen

Erschder Haftpflichtschade

A´rufbeantworterg´schprääche

Blooß bissl verrutscht

Henkelrabatt

Känn Deiwl

Wammer´s frieher gewisst hätt!

Weg der Erinnerungen in Landau

Gar net schwer!

Vorwort

Nach dem erfolgreichen ersten Buch „…ach du liewes Lewe“, das ich 2015 veröffentlicht habe, sind weiterhin so viele Gedichte und Geschichten entstanden, dass nun mein zweites Buch „…glaabscht dann des?“ fertig gestellt werden konnte.

Es kommen immer wieder Fragen auf mich zu, wo ich denn die vielen Einfälle und Ideen hernehme. Die Antwort ist ganz einfach: die „fliegen“ mir, wenn ich mich umschaue und meine Umwelt betrachte, einfach zu. Dann gibt es noch viele andere Mitmenschen, wie zum Beispiel Fritz aus der Herzsportgruppe, der auf mich zukommt und sagt: „Heinz, ich hab do mol was g´heert, wie zum Beischbiel die hoch Scheidungsrate verringert werre könnt.“ Die Lösung hat dann das Gedicht „Partnerleasing“ ergeben.

Desweiteren ist auch die Tageszeitung „DIE RHEINPFALZ“ nicht ganz unschuldig daran, die mir immer wieder Anregungen für einen Reim oder auch Ungereimtheiten bringt.

Natürlich greife ich auch auf alte Erinnerungen zurück, die es Wert sind, der Nachwelt hinterlassen zu werden. Immer wieder erhalte ich bei Lesungen die Resonanz meines Publikums: „Ach, des hänn mir frieher ach so gemacht“ oder „Sowas is mir ach schun mol bassiert…“

Da viele Touristen als Andenken auch dieses Buch erwerben, habe ich im Anhang einige pfälzische Ausdrücke ins Schriftdeutsche übersetzt. Sollte dennoch etwas Unklarheit über die eine oder andere pfälzische Ausdrucksweise aufkommen, gibt es viele nette Pfälzer, die sicher gerne zur Klärung beitragen.

Nun wünsche ich meinen geschätzten Lesern viel Vergnügen und Entspannung.

Gleisweiler, 2017

„…glaabscht dann des?“

„glaawe“ unn es Froochezeiche,

ich glaab, die sinn ä Paar.

Wisse unn glaawe sinn net´s gleiche,

des is so – unn des war.

Glaabscht du, was in dem Buch drin steht,

was enner g´schriwwe hot?

Glaab, dass die Welt sich weiter dreht,

glaab an de liewe Gott!

Mensche wie du unn ich – unn annere

Verwandte, Bekannte un U`bekannte

Juchendfaulheit

Ich schbielt´ als in de vierte Klass`,

anstatt zu lerne, uff de Gass,

unn net so, wie es sich geheert,

zu üwe , was die Schul` gelehrt.

Unn bin, des is net iwwertriwwe,

trotzdem net hocke als gebliwwe.

Doch manches, was de Lehrer g´saat,

hab` ich im Geischt heit noch parat.

Vergesse doch so mancherlei,

des fallt mer jetzert widder ei´.

Heit denk` ich als beim Grenzverkehr,

viel Auslandswörter fehlen mer,

die ich als Lausbu net gelernt,

weil mir die Schbrooch so weit entfernt.

Die Juuchendfaulheit, die is schlecht,

wann se sich dann im Alter rächt.

Englisch, nix wie Englisch

Als Knirps, do wollt´ ich Englisch lerne,

des fand ich wunnerbar.

Mei Patetante wohnte jo

ach in Amerika.

In Süd Dakota – wääß ich noch,

wu die Indianer sinn,

do hab ich Päckelscher gekriegt

mit schääne Sache drin.

Inzwische is die Zeit verschdriche,

Englisch hab ich gelernt.

Mit der Schbrooch klappt Verständischung

mit Leit, wu weit entfernt.

Kumm ich heit in die Stadt enei,

um ebbes ei´zukaafe,

do brauchscht du fascht ä Wörterbuch,

sunscht duscht du dich verlaafe.

Die englisch Fremdschbrooch – wu d´ hieguckscht:

Im Laade fer Klamotte,

du findscht kaum noch ä deitsches Wort,

g`heert des dann net verbotte?

Gar manches T-Shirt vun ´re Fraa

ziern englische Buchschdaawe.

Bei Kinnerklääder findscht´s ach schun,

nä – des is kaum zu glaawe.

Wär´s dann net besser fer des Kind,

statt d´ Schbrooch aus weiter Ferne,

zu allererscht – wie domols mir –

die Mudderschbrooch zu lerne?

Kaffeeklatsch

Drei Männer sitzen im Cafe´,

de änd genießt ä Tass voll Tee,

de annre trinkt Cappuccino,

de dritte schluckt sein Kakao.

Mer wääß, dass die dort öfter sin,

denn die gehn immer gern dort hin,

verzehlen sich in aller Ruh`,

ja, die g´hern äfach dodezu.

Wie friedlich uff dem Erdeball,

wär´s sicher manchmol iwwerall,

deten sich d´ Mensche alle Daache,

wie die drei, sich gut vertraache.

Ich mach b´schdimmt dodemit kän Quatsch,

mit so me Männer-Kaffeeklatsch.

Alteise

Du g´herscht jo noch net zum Alteise,

weil du jetzt Rentner bischt!

Mer schmeißt net alles, wann´s noch gut,

so äfach uff de Mischt!

Ach kä Banan, wu bissl braun

unn dennoch ganz gut schmeckt,

blooß weil se gar nimmi ganz gääl

unn klää bissl befleckt!

Du bischt b´schdimmt noch fer vieles gut,

loss dir net alles biete!

Wie wär´s mit „Repratur-Opa“,

odder mit Enkelhüte?

Such´dir doch grad´ was Schäänes aus,

was mer so mache kann!

Des gilt fer alle Rentnersleit,

egal ob Fraa odder Mann!

Schuldebuckl

In de Zeidung war zu lese,

er wär än guuder Mensch gewese,

än liewer Mensch, wer ihn gekennt,

hätt sicherlich nie iwwern g´schännt.

Hätt nie gemacht ganz dumme Bosse,

sich nix zuschulde kumme losse.

Den Name hab ich doch gekennt,

den mer in dere A´zeich nennt.

Ä A´zeich war´s mit schwarzem Rand

in der des grad Erwähnte stand.

Seit viele Johr, ich will net lieche,

hätt` ich vun dem Mensch Geld zu krieche.

Hot net gezahlt, so wie es Sitte;

ich hab mich ach net mit ihm g`schdritte.

Jetzt isch´s verjährt, was soll ich flenne:

er hot doch nix mitnemme känne!

…war das so im Mittelalter?

Borjemääschders Los

En Borjemääschder hot´s b´schdimmt schwer,

´s bringt manch´ Problemche mit sich her.

Außerdem quälen ihn ach Sache,

um alle Leit es recht zu mache.

Dass des net klappt, des is gewiss,

weil´s immer schun so war unn is.

Do gibt´s zum Beischbiel „Hosseschisser“

unn „Immerallesbesserwisser“,

bei denne es dehääm kaum klappt,

´s werd nur im Newwl rumgedappt.

Desweitere die Intrigante,

die u´belehrbar Rasselbande.

Uff die Leit könnt mer b´schdimmt mitnichte

ach im Gemäänerat verzichte.

Doch gottlob, mer heert´s immer wieder,

´s gibt g´scheite, weise Ratsmitglieder.

Die hänn, do kann mer b´schdimmt net klaache,

viel gute Vorschlääch beizutraache.

Wann´s ach den Borjemääschder quäält,

die Leit, die sin vum Volk gewählt.

Doch des, was ich zuvor beschriwwe,

is b´schdimmt ä bissl iwwertriwwe.

Es Ehreamt is manchmol gut,

dass mer ach Spass dra hawwe dut.

Doch sollt´ mer solche Leit ach lowe,

net erscht wann se im Himmel drowe.

Zu Lebzeit g´heeren die geehrt,

des wär ihr vielie Ärwet wert,

die manchmol im Geheime blieht

unn die en annre gar net sieht.

Die Reime, die sin dofor gut,

dass mer´s ach net vergesse tut!

Diese Reime stehen nicht nur für einen Bürgermeister. Als Obermeister habe ich ähnliches erlebt und mancher Vorsitzender eines Vereins, der mit Herzblut sein Ehrenamt ausübt, ist sicher damit auch schon konfrontiert worden.

Wann de Wilhelm Busch en Pälzer gewesst wär,

hätt des Gedicht:

Es ist halt schön

Es ist halt schön,

wenn wir die Freunde kommen sehn.

Schön ist es ferner, wenn sie bleiben

und sich mit uns die Zeit vertreiben.

Doch wenn sie schließlich wieder gehn,

ist´s auch recht schön.

sich vielleicht so a´gheert:

Es is halt schää

Es is schää, ihr liewe Leit,

dass ihr ä bissl kumme seid.

Schää isch´s, wann ihr noch bissl bleiwen

unn eich mit uns die Zeit vertreiwen.

Sinn mir, wann ihr geht, dann allää,

isch´s ach recht schää.

Leider

Drei Männer gehn mit mir ins Bett,

du ich mich owens leche.

Dann lichen mir zu fünft do drin –

mei Fraa hot nix degeche!

De Ehrhardt´s Heinz, de Wilhelm Busch

unn ach de Eugen Roth,

hän uff de Biecherablaach Platz,

doch leider sin se doot!

Beriehmt

„Mensch Babbe, du wärscht noch beriehmt,

glaab mir´s, was gilt die Wett?“

„Ach Bu, des bin ich doch schun lang,

blooß d´ Leit wissen´s noch net!“

Ru(h)m

Als Lausbu, ich du mich net erre,

träämt´ ich defu, beriehmt zu werre.

Wie Freddy Quinn mit Seemannslieder,

unn de Heinz Erhard als mol wieder,

wie Wilhelm Busch unn Eugen Roth,

odder sogar de Loriot.

Ich seh` mich dort uff enre Bühne

unn deet en Haufe Geld verdiene.

Im Kino unn als Fernsehschtar,

als Karrikaturischt sogar.

Doch wie es Lewe alsmol schbielt,

mer schießt net hie, wuhie mer zielt.

Anstatt an Ruhm mich zu ergötze,

du ich mich in en Sessel setze

unn frää mich ausgeruht sogar

uff Rum im Schaumkuss – uhne h.

Verdauscht

Gelade zur Geburtsdaachsfeier,

war – unn weil die doch ziemlich deier –

vum Geburtsdaachskind gebete,

dass mer die Kuche backe täte.

Unn eweso, zum gute Schluss,

vielleicht en klääner Obulus.

Weil furchtbar viele Gäscht gelade,

Verwandte, Freunde unn ach Pate,

sinn dodebei – des glaabt mer numme,