Datenschuul E-Book

Birgit Pauls

• Herausgeber: Books on Demand
• Kategorie: Wissenschaft und neue Technologien
• Sprache: Deutsch

Seitenzahl: 55

Veröffentlichungsjahr: 2017

Beschreibung

Eine Einführung in den Datenschutz in plattdeutscher Sprache Dieses Buch gibt einen Überblick darüber, welche Anforderungen im Datenschutz Unternehmen und andere Organisationen wie beispielsweise Vereine erfüllen müssen. Dabei geht die Autorin auch auf die neuen Anforderungen aus der EU Datenschutz Grundverordnung ein. Im Anhang befindet sich ein Glossar, in dem die Übersetzung der gängigen hochdeutschen Datenschutzfachbegriffe aufgelistet sind. Zum besseren Verständnis sind teilweise die Gesetzestexte auf hochdeutsch abgedruckt.

Leseprobe

Een poor Wöör vörweg

Kann man egens över Datenschuul ok op platt schrieven?

Dat heff ik mi al lang fraagt, nadem ik in’t Johr 2009 fraagt wurr, ob ik een Datenschuul Lehrgang ok op Platt holen kunn.

Angang 2016 heff ik veele aardige Lüüd dropen, de över Gott un de Welt op platt snackten. So keen de Gedank wedder, een Book över "Datenschutz" op Platt to schrieven.

Denn weer ik an’t speekuleern, of ik över Datentschuul inne Betriev oder över Datenschuul för dat Private schrieven schull. Ik kunn mi ni entscheeden un heff nu een Book för beide schreeven. Dor kann sik jedeen denn rütsöken, wat he bruukt.

Af un an ziteer ik mal ut de Gesetten. Domit dat keen Dörnanner gifft un jedeen de offizielle Text hett, övernehm ik de Gesetten in Hochdüütsch, denn ik kenn noch keen offzielle Översetten vun dat Bundesgesett övern Datenschuul (Bundesdatenschutzgesetz, BDSG). De Zitate heff ik schräg sett, um se uttowiesen.

As ik anfung, dit Book to schrieven, schiente de EU Datenschutz Grundverordnung (DS-GVO) noch wiet wech. Middewiel ist de DS-GVO kamen. Af 25. Mai 2018 is de antowennen. Veeles blifft bestahn, eeniges ward anners. Ik heff lang overleegt, wat ik nu maak un heff jichteswann seegt: Düsse Utgaav baseert noch op de nu aktuellen Gesetten (BDSG un annern). Bito geev ik ‘n Utblick, wat sik denn ännert.

An’t Enn vun’t Book heff ik een lüttje Wöörbook mit de hochdüütsche Begreep ut de Fachsprook un mien plattdütsche Översetten. Dorto is dor denn ok noch een List von Afkörtungen von hochdüütsche Begreepen.

Ik wurr mi bannig freun, wenn ji mi vertellen, wat ji vun dat Book hoolt.

Schwoor weer dat mit Inholen von een Schrievwies, de sik mit Gender verdreegen deit. Nadem ik to Anfang jümmers de Wöör för Mannslüüd un Frünslüüd nebenanner settet heff wurr dat Book teemlich lang. Um ‘n poor Sieden intospoorn heff ik dat denn nochmal överarbeidet un blots de Grammatikform för de Mannslüüd nahmen, tomal in dat BDSG meist ok blots inne Form för Mannslüüd schreeven wart. Meent sünd aver jümmers Mannslüüd, Frunslüüd un ok dat drütte Geschlecht.

Tönn, inne April 2017

Birgit Pauls

Inholt

Wat is Datenschuul?

Wo wart dat klaarmakt?

Datenschuul Vokabeln

Wodennig warrn de Daten wohrt?

Welke Rechte heff ik?

Wer passt op?

... un bi grootet Malöör?

De Datenschuulbeopdraagte

Wat mutt de Bedriev dohn?

Datengeheemnis

Datenschuulünntericht

Technische un organisatorische Vörsorg

Datenverarbeidung inne Opdraag

Beschrievungen vunne Verarbeidungen

Afkörtungen

Wöörbook

Wiederführende Texte

Besten Dank!

Wat is Datenschuul?

Wat is eegens Datenschuul? Veele denken denn jümmers an de Blickbregen, de wohrt warrn mutt, dormit dor nix kapuut geiht. De Daten schölln jedeen Dag op een Band kopeert warrn, dormit man se ok noch hett, wenn de Kist twei geiht.

Man dat is eher Datenseekerheit. Datenschuul schall de Persönlichkeitsrechte ut dat Grundgesett (GG) wohren, as Bispeel:

Artikel 1 GG

(1) Die Würde des Menschen ist unantastbar. Sie zu achten und zu schützen ist Verpflichtung aller staatlichen Gewalt.

Artikel 2 GG

(1) Jeder hat das Recht auf die freie Entfaltung seiner Persönlichkeit, soweit er nicht die Rechte anderer verletzt und nicht gegen die verfassungsmäßige Ordnung oder das Sittengesetz verstößt.

Inne eerste Afsatz vun’t Bundesdatenschutzgesetz (BDSG) steiht dat ok beschreeven:

(1) Zweck dieses Gesetzes ist es, den Einzelnen davor zu schützen, dass er durch den Umgang mit seinen personenbezogenen Daten in seinem Persönlichkeitsrecht beeinträchtigt wird.

Hier geiht dat also inne Hauptsaak nich um Technik, Bits un Bytes sünnern umme Minschen un jere Anrechte.

In dat Uurdeel to dat Teelen vun’t Volk (Volkszählungsurteil) wurr 1983 bestimmt:

Jeder kann selbst über die Weitergabe und Verwendung persönlicher Daten entscheiden, er kann bestimmen, in welchen Grenzen Lebensumstände zu offenbaren sind.

Dieses Recht bedarf unter den Bedingungen der modernen Datenverarbeitungsmöglichkeiten des besonderen Schutzes.

Ik bün doch ‘n ganz eenfache Minsch, de nix to verbargen hett. Worüm schull ik mi Gedanken um Datenschuul maken?

Wenn ik Eegendöömer oder Geschäftsföhrer vun een Betriev bin, mutt ik dorför sorgen, datt de Betriev sik an Recht un Gesett hölt.

Un in’t Private kann dat ok vun Vördeel ween, wenn nich jedeen allns vun mi weet:

De Baas un anner Firmen, de mi wat verkoopen wüllt, sind doran interesseert to weten, wat ik de heele Dag do. Arbeide ik fix nuch? Wat koop ik geern in? Wo koop ik in? Um welcke Tied? Betohl ik in bar oder mit Plastikgeld?

Ut dit Weeten kann een Profile maken, verutseggen, wat de Minsch wohl als neegstes köfft. Dat gifft een Bispeel ut Amerika, wo sik een Vadder bi een Firma beschweerte, wieldat de sien veerteihn jährige Dochter Reklame für Babyutstattung schickte. De Firma harr anne Inkööpe vunne Deern al lang för de Vadder markt, dat de Deern ‘n Braden inne Röhr harr.

Lüüd de ik ni sehn will, köhn mi nastellen, wieldat se över Ortung vun mien Ackersnacker weeten, wo ik mi wann ophohl.

Un ween een Spitzboov de Kontonummer wies wart, kann he dat Konto licht afrümen.

Wo wart dat klaarmakt?

Dat gifft diverse Gesetten, de Datenschuul in Düütschland kloormakt. De wichigsten tell ik hier mal op:

Dat Bundesdatenschutzgesetz (BDSG) regelt de Datenschull inne Behörden vunne Bund, inne Betrieve un in anner privatrechtliche Organisaschionen, as Vereene to’n Bispeel.

Für de Behörden vun’t Land und de Kommunen is allns in’t Datenschullgesett vun dat Bundesland kloormakt, so se denn ehr eegen Landesdatenschutzgesetz (LDSG) hebben. Wenn dat dor nix gifft, gilt för de ok dat BDSG.

De Karken hebben ses eegen Gesetten över Datenschuul. Bi de evangelische Kark is dat dat Kirchengesetz über den Datenschutz der Evangelischen Kirche in Deutschland (DSG-EKG), bi de katholische Kark de Anordnung über den kirchlichen Datenschutz (KDO).

För Sozialdaten (Daten de vunne Krankenkassen, Rentenverseekerung, Arbeitsamt, Jobcenter, ... verarbeitet warrn) gellt de Sozialdatenschuul na dat teinte Sozialgesettbook (SGB X).

In düsse Book warr ik von nun an blots vunne Gebott ut dat BDSG snacken, wiedat de Vörschrift für Datenschull inne Betrieve is. De anner Gesette to’n Datenschull sünd teemlich liek.

Liekers hett de Betriev bobento noch anner Gesetten to’n Datenschull to beachten. Bi’t Telefoneern gellt dat Telekommunikationsgesetz (TKG). De Vörschrift, de de meesten kennen, is dat Fernmeldegeheemnis na § 88 TKG.

Wenn een een Internetsied hett, mutt he ok mal in’t Telemediengesett (TMG) kieken. Dor is kloormakt, wat in’t Impressum stahn mutt un wat to dohn is, wenn Daten över de Sied sammelt warrn, so as över een Kontaktfomular oder gar een Sied wo sik een anmellen kann.

Af 25. Mai 2018 is de EU Datenschutz Grundverordnung (DS-GVO) antowennen. Für niege Verarbeidungen schull se al nu anwendt warrn.