Erhalten Sie Zugang zu diesem und mehr als 300000 Büchern ab EUR 5,99 monatlich.
Nach dem Erfolg des ersten Bandes 'Wat twischen Heeven un Erd so passeert' finden sich in der vorliegenden Anthologie weitere Gedichte und Geschichten von Elke Deffert. Das Holsteiner Platt, dessen sie sich bedient, ist dabei für ihre Erzählweise wie geschaffen und verleiht ihren Werken einen außergewöhnlichen Facettenreichtum. So sind neben heiteren Anekdoten mit sympathischen Charakteren und augenzwinkernden Pointen auch solche enthalten, die nachdenklich stimmen.
Sie lesen das E-Book in den Legimi-Apps auf:
Seitenzahl: 86
Das E-Book (TTS) können Sie hören im Abo „Legimi Premium” in Legimi-Apps auf:
Innentitel
Impressum
De Minsch — de Natur
Fröhjohr
De Fröhjohrsstorm
De Johrestieden
De Osterspazeergang
Öllern
De Adrenaleenspeegel
Wo is de Tiet bleven
De Opklärung
Uns schöne Gorrn
Allen’s dreiht sich üm de Levde
Sommer
De Rosenkavalier
Romantische Levde
De Utfohrt
Dat truurige End
Oscar un sien Treckfidel
De Puttenkieker
Mit oppen Oogen
Dat Geburtsdagsgeschenk
So sünd de Fruns
Slut di nich ut
Wenn dat gor nich mehr geiht
De Klookschieter
Dat Angebot
De Planung
Den Larm achter sik lotten
De ach so lütte Horizont
De Wissbegierige
Dat Weddersehn
Wenn ik man kunn
De Harvst
De Disch is deckt
De Överraschung
Dat Problem Moder
Beeten to fröh
So geiht dat ok
Kümmt op de Grött an
Is dat de groote Levde?
De unbeeten Gäst
Winter
Wenn de Snee vun Heven kümmt
Spuren in Snee
Du musst an di selbst glöven
De groote Afscheed
De Natur gifft af
Dat schönste Geschenk
Besünners is dat schon
Wat Anna nich versteiht
Oma vertellt
Wiehnachen, Wiehnachen
De groote Froog
Dat Christkind
Advent in uns Tiet
In een annere Huut
Afscheed vun Winter
Ebenfalls lieferbar
Bibliografische Information der Deutschen Nationalbibliothek
Die Deutsche Nationalbibliothek verzeichnet diese Publikation in der Deutschen Nationalbibliografie; detaillierte bibliografische Daten sind im Internet über http://dnb.d-nb.de abrufbar.
Impressum
Kiek mol övern Tuun
ISBN 978-3-943403-73-2
ePub Edition
Version 1.0 - 10-2016
© 2016 by Elke Deffert
Umschlagmotiv und enthaltene Abbildungen: Elke Deffert
Lektorat: Sascha Exner
EPV Elektronik-Praktiker-Verlagsgesellschaft mbH
Postfach 1163, D-37104 Duderstadt
Email: [email protected]
Web: www.edition-nordlicht.de
He is wie de Morgen .......... so strohlend
Wie de Meddag ................... so glöhnig
Wie de Ovend ...................... so tofreeden
Wie de Nacht ...................... so düster.
De Minsch kann sien
Wie de Wind ...................... so leichtföötig
Wie de Storm ..................... so opbruusend
Wie de Orkan ...................... so unbereekenbor.
Un ok
Wie de Sünn ................... so warmhartig
Wie de Sterns ....................... so kloor
Wie de Wulken .................... so bedeckt
Wie de Mond ........................ so unnohbor.
He gifft sik oft
Wie dat Fröhjohr ................ so quickig
Wie de Sommer .................. so fröhlig
Wie de Harfst ........................ so truurig
Wie de Winter ....................... so koolt.
Wi sünd en Stück Natur,
un künnt nich ut ehre – unsere Huut.
De Storm puust düchtig üm de Ecken.
Versteeken ünner Büsch un Hecken,
lüücht Märzenbeeker un Sneeglocken.
De Vageln trekkt nu ok no Norden.
De Natur wöökt op.
De Sünn steiht höger, un dörr ehr Warms,
leggt sik een grönen Schemer övert Land.
Planten un wassen nemmt de Dage in.
Is so wiet, sik to sööken un to finnen.
De schönste Tiet int Johr, is nu wedder dor.
De Bööm weegt sik hen un her. In de Höchte vun de Kastangeln hett een Heisterpoor ehr Nest buut. Dat sitt so fast twischen de Twiege, dat nich mol de Storm dat schafft, dat rünnertorieten. Ik stoh ant Finster un seh, wie de Heister bi all den Storm sien Nest find, wo doch de Wiecheln üm em herüm slogt. Mien Fru Sabine steiht achter mi. Se meen: »Ward hüüt wohl nix mit een Spazeergang bi den Storm?«
»Mutt doch ok nich, wi hebbt de Natur jo vör uns Nees,« antert ehr Mann un seggt wieder: »Jüss hev ik so dacht, wieveel wi doch mit de Heisters gemeensom hebbt.«
»Wat Du all süchst, Hans. Dat Nest is doch all poor Johr dor, jüss solang as uns Huus, un de Twee sorgt för ehre Bruut jüss so as wi.«
»Dat kanns ja wohl nich verglieken, Sabine. De Görn vun de Heisters sünd doch veel gauer groot.« Hans denkt, se begripp nich, dat he den Vergliek jo nich so genau meent hett, over, lott ehr. »Jo«, sett he wedder an. »De Storm kann de Heisters nix anhebben, jüss so as uns, nich Sabine.«
»Na, dat is wohl nich ganz so,wenn ik all dat, wat Du an Wind möökst, optell, ik weet nich!«
»Wat meenst Du dor denn mit?«
»Na jo«, antert se, »geiht een Heister to Kroog un besüppt sik. kiekt he de Wieber noh, hett he so’n Hobby, wo Du Dien Freetiet mit verbringst, ne, he is bi sien Fru!«
»Süchst, dor kümmt he jüss, un se flügt weg, ik heff ut Köökenfinster sehn, dat se sik ümmer aflöst.«
Mensch, denkt Hans, harst blos nix seggt, se hett nix, over ok gor nix begrippen.
Sabine over antert: »Hest mi mit Dien Verglieck op eene Gerechtigkeitsidee bröcht, af nu geiht bi uns ok alln’s afwesselnd!«
Wer hier wohl de Dumme weer?
De Sommer, de keen Sommer weer, is gohn.
De Harvst mit veel Sünn is överstohn.
De Winter, de nu kümmt,
ward de uns Fründ?
Fründ sien, för jeden een is swor.
De Een will’t kolt un sünnig,
de Anner Frost un Snee.
Sall ok wölkn geven,
De wüllt lever Regen.
Jedeneen dat recht to mooken is nich liggt,
weil dat doch de Empfindsamkeit gifft.
Over eens is klor, wat ok ümmer is,
wi mütt dat so nemmen,
weil wi an den körteren Hebel sitt.
Mien Erleven liggt Johre torüch, doch is nie vergeeten.
So weert: De Oogen op un ruut ut de Puch, un luschern, wat Moder in de Köök möökt. Un richtig, is doch klor, dat gifft een Osterei wie jedes Johr. De Höhner harn düchtig leggt, dat gev för jeden een, rot, bloog or grön.
Noh dat Fröhstück meen Moder: »De Sünn schient vun Heven, de Dag is so schön, dor wüllt wi mol no buuten sehn. De Osterhos weer all innegang, ji künnt nu to sööken anfangen.«
Un wi hüppt vun een Eck in de annere. Achter de Stalldör? Liggt ok wat in de Kamer? Ne, over achter Busch un Heck, un ünner de Blomen is för de söten Eier een Versteek. He, de Osterhos, hett keen vun uns Gören vergeeten, so setten wi uns int Gras un geneeten. Moder möökt den Osterbroden, un uns lod Vader in den Treckwogen. De dree grooten Geschwisterkinner hüppt üm den Wogen herüm, un wi twee Lütten seeten dor binnen. Wi kummt an den grooten Sebarger See an. Op de Wiesch plückt wi Schlüttelblomen, ne ganze Hann vull.
»Sieh mol«, seggt Vader to mi. »Wenn Du in de Sünn kiekst, muss lang nog kieken, denn süchst Du in de Sünn dat Osterlamm.«
Un wohrafdig, ik seh dat, mien Fantasie speel mi dat vör. Keen vun mien Geschwister kunn dat sehn, weer wohl nur för mi alleen. Op ’n Trüchweg keemen wi an de Kirch vörbi. Vader möök de Dör los, wi stöhn dor un lüüstern, dorbi hett he uns verkloort, worüm wi Ostern fiert.
Is so veel dreiht worn in uns Tiet, eenes over bliff bestohn, Kinner un Eiersööken un een oppen Kirchendör, dat ward nich vergohn.
Wat möökt eegentli uns Leven ut?
Jedeneen hett een anneres. De Dag, an den du born warst, is jo wat ganz Besünneres. Op du wullt büst, is doch de Frog. De Herrgott hett dat so för di vörsehn. Du, noch ohn Gripps, kanns di nich weer`n, muss dat annemmen as dat even is.
Jeden Dag, op Minut, op Stünn, ward born. Op in Sünnenschien, in Regen, bi Snee, in Dürre, in Flot, op de Erd bewt, op grötzte Not. De erste Schrie, ik bün dor!
Nu is de Frog, wat för mi utsöcht wörr? Een ganz normole Familie tövt op mi, or een Fru, alleen lotten, een annere will mit mi alleen leven. Op elegant, op eenfach, op rieck, op arm, as Babys sünd wi alle glieck. Wat de Minsch, de Moder, denn mit ehr Neebornes möökt, dor fangt dat lütte Biespeel an:
Nich över uns Minschen, ne, över een Vogelpoor.
Dat grönt un blöht rund üm uns Huus, un weil in Sommer bi de Dröchnis de Planten Water bruukt, ward rundüm alln’s begotten. Un sieh an ut de Blomemkrüff an de Wand, kiekt mi swarte Oogen an. De Drossel brööt dor, un wat nu? Se flügt op, un dor mutt ik mi över de Vogeln wunnern, hett he doch neven de Terrasse buut, een Kunstwark för wohr!
Över den Insatz vun de Plantschol liegt starke Twiege, un dorop thront dat Nest. So kann de Blom wieder leven, un sien Bruut ward nich natt. Jüss hier to buun, wo doch beeten wieder rünner de Knick is, is schon eegenurti.
Fief Eier liegt int Nest. Schöne Dag mit veel Sünnenschien, lött de Öllern ümmer afwesselnd bröden
Denn hör ik dat erste Mol een Piepen. Ik stieg op den Stohl vun de Terrass, üm över de Plank to kieken. De Moder is jüss opflogen, veer Lüttje riet den Snobel wiet op, as Vader Drossel anflogen kümmt. Sien Snobel is vull Krabbeltiere. Mi fallt op, dat een Ei fehlt, de Schol liggt op de Erd, dat is wohl nich perrt weest. Mit een Mööch vun morgens bet an laten Ovend, fleegt de Öllern hen un her.
De nächste Dag fangt all mit veel Regen an, un so bliff dat ok bi. Ik mook mi Gedanken üm de Vogeln. Wi hebbt een överdachte Terrass, un so kann ik ohn natt to warn, kieken wat in dat Nest los is. Dor sitt Moder Drossel in den strömenden Regen op dat Nest. Dat Water löpt an de Siet vun de Krüfft af. Ik har an levsten een Dack över ehr Nest troggen, over dat will de Natur gor nich. Worüm? Se harr wiss dat Nest verlotten, un de Lütten weern afsoppen un storben. De Öllern wesselt sik so gau af, dat de Lütten nich kolt un natt ward.
An den nächsten Morgen strohlt wedder de Sünn vun eenen bloogen Heven. Ik hör dat Piepen all vun wieden, ik bün froh, all veer levt. Dat Water löpt ümmer noch an de Krüff rünner.
Öllern, de ehr Kinner schützt, de ehr eegen Leven torüch stellt, de nich den Verstand wie wi mitkreegen hebbt, sünd vun de Natur so instellt. Een Wunnerwark is schon uns Natur, jeden Dag op Niege!
»Dat ward ok Tiet, dat de Luft höger kümmt«, meent Jürgen.
»Dat ward noch nich ganz wat«, anter Fred. »De Schiet mutt erst vun Heven dool, vörher ward dat nich warm.«
»Dat weest du, ik frog mi blos, wokeen di dat vertellt hett?«