Die G´schicht vom Wolf E-Book

Sigrid Steiner

• Herausgeber: BookRix
• Kategorie: Fantasy und Science-Fiction
• Sprache: Deutsch

Veröffentlichungsjahr: 2014

Beschreibung

Z`ruck in die Kindheit schaun, a bisal draun denk`n wia schean das woar, wias uns Märchen dazölt haum... ...und heit no amoi lesn auf steirisch

Das E-Book Die G´schicht vom Wolf wird angeboten von BookRix und wurde mit folgenden Begriffen kategorisiert:
Der Wolf und die 7 jungen Geißlein, Märchen, Grimms Märchen, Wolf, böser Wolf, Kinder, Märchen für Erwachsene, Geißlein, Geschichten, Mundart, Dialekt, steirisch

Leseprobe

Sigrid Steiner

Die G´schicht vom Wolf

und die 7 Goaßal

BookRix GmbH & Co. KG81371 München

Es woar amoi...

Es woar amoi a olde Goaß, mit 7 junge Goaßal und dei hot`s gaunz vü liab g´hobt. Wia`s aun an Tog in Wold ausi wullt, zum Futta hol´n da hot`s große Sorg´ g´hobt um ihre Jungan. So hot`s olle siebene hergruaf`n und eana g´sogt: „Tuats guat ocht geb`n und loßt`s ma jo den bes`n Wolf net ins Haus, weil wenn er amoi drin is, daun frisst a eich´ mit Haut und Hoar“. Die 7 Goaßal haum vasproch`n guat zum aufpass`n, so das beruhigt aufg´hört hot zum meckern und ausi g`sprungan is in Wold.

Laung hot`s oba net dauert bis pumpat hot bei da Tür.

„Mocht`s auf liabe Kinda, eia Muattal is do und hot eich olle  wos scheans mitbrocht“.

Oba die Goassal haum glei g´merkt das deis nia und nima eana Muattal sein kaun und haum bei da zuan Tür ausigruaf`n.

„ Na, na wir moch`n net auf,

weil unsa Muattal hot koa so a tiafe Stimm´ net,

du bist da bese Wolf!“

Do is a daun furtglaf´n da Wolf, obi zum Kräma, um a wengal a Kreid´n, damit er a feinas Stimmal kriagt. Daun is a wieda z´ruck zum Haus von die Goaßal und hot sei Sprichal no amoi aufg´sogt. Bledaweis hot er oba desmoi sei schworze Pfot`n ins Fensta einiglegt, so dass die Goaßal glei wieda gwußt haum das deis net eana Muattal sein kaun. Wieda haums g`ruafn:

“ Na, na du bist net unsa Muttal, dei hot ka schwoarze Pfot`n net,

du bist da bese Wolf!“