Erhalten Sie Zugang zu diesem und mehr als 300000 Büchern ab EUR 5,99 monatlich.
- Herausgeber: Books on Demand
- Kategorie: Poesie und Drama
- Sprache: Deutsch
- Veröffentlichungsjahr: 2022
Eigetlech isches soule odr bluse wasi da Mache auso Soul odr Blues uangeri säge Das sige ganz nöiji Poesieforme wi Slam Poetry odr Poetry Slam abr i jammere ja Eifach nume vormi häre u muesmi nid achte Ob das de Lüt gfaut odr nid sisch eifach Mi Musig wedr vrschtöht wasi meine sisch Nume mini eigeti Musig wo hie abgeit U zwar vo zvorderscht bis zhingerscht Uni muesmi drwäge bi niemerem drfür Entschuldige uni mues bi nemerem ge Bittibätti mache wi das schüsch aube Üeblech isch bide arme Schriftschteuer Wo müesse iz Syschtem passe wüu Schüsch sisi nämlech grad dusse ud Kunscht isch ändgüutig am Bode Zerschtört ud Politik het so äntlech Gwunne u het äntlech iri Rueh wüune Niemr meh az Bei bislet u niemr brucht no Di blödi Kunscht wo lengschtns iz Museum Ghört für was schüsch o für was sött äch Die no guet si mir hei jano zFernsee dert Hez auergattig drinn aues wode wosch u Aues wode bruchsch u wode muesch ha Meh aus das bruchz wägr nid u mir si Lengschtens zfride drmit
Sie lesen das E-Book in den Legimi-Apps auf:
Seitenzahl: 445
Das E-Book (TTS) können Sie hören im Abo „Legimi Premium” in Legimi-Apps auf:
Ähnliche
Inhaltsverzeichnis
Kapitel 1
Kapitel 2
Kapitel 3
Kapitel 4
Kapitel 5
Kapitel 6
Kapitel 7
Kapitel 8
Kapitel 9
Kapitel 10
Kapitel 11
Kapitel 12
Kapitel 13
Kapitel 14
Kapitel 15
Kapitel 16
Kapitel 17
Kapitel 18
Kapitel 19
Kapitel 20
Kapitel 21
Kapitel 22
Kapitel 23
Kapitel 24
Kapitel 25
Kapitel 26
Kapitel 27
Kapitel 28
Kapitel 29
Kapitel 30
Kapitel 31
Kapitel 32
Kapitel 33
Kapitel 34
Kapitel 35
Kapitel 36
Kapitel 37
Kapitel 38
Kapitel 39
Kapitel 40
Kapitel 41
Kapitel 42
Kapitel 43
Kapitel 44
Kapitel 45
Kapitel 46
Kapitel 47
Kapitel 48
Kapitel 49
Kapitel 50
Kapitel 51
Kapitel 52
Kapitel 53
Kapitel 54
Kapitel 55
Kapitel 56
Kapitel 57
Kapitel 58
Kapitel 59
Kapitel 60
Kapitel 61
Kapitel 62
Kapitel 63
Kapitel 64
Kapitel 65
Kapitel 66
Kapitel 67
Kapitel 68
Kapitel 69
Kapitel 70
Kapitel 71
Kapitel 72
Kapitel 73
Kapitel 74
Kapitel 75
Kapitel 76
Kapitel 77
Kapitel 78
Kapitel 79
Kapitel 80
Kapitel 81
Kapitel 82
Kapitel 83
Kapitel 84
Kapitel 85
Kapitel 86
Kapitel 87
Kapitel 88
Kapitel 89
Kapitel 90
Kapitel 91
Kapitel 92
Kapitel 93
Kapitel 94
Kapitel 95
Kapitel 96
Kapitel 97
Kapitel 98
Kapitel 99
Kapitel 100
Kapitel 101
Kapitel 102
Kapitel 103
Kapitel 104
Kapitel 105
Kapitel 106
Kapitel 107
Kapitel 108
Kapitel 109
Kapitel 110
Kapitel 111
Kapitel 112
Kapitel 113
Kapitel 114
Kapitel 115
Kapitel 116
Kapitel 117
Kapitel 118
Kapitel 119
Kapitel 120
Kapitel 121
Kapitel 122
Kapitel 123
Kapitel 124
Kapitel 125
Kapitel 126
Kapitel 127
Kapitel 128
Kapitel 129
Kapitel 130
Kapitel 131
Kapitel 132
Kapitel 133
Kapitel 134
Kapitel 135
Kapitel 136
Kapitel 137
Kapitel 138
Kapitel 139
Kapitel 140
Kapitel 141
Kapitel 142
Kapitel 143
Kapitel 144
Kapitel 145
Kapitel 146
Kapitel 147
Kapitel 148
Kapitel 149
Kapitel 150
Kapitel 151
Kapitel 152
Kapitel 153
Kapitel 154
Kapitel 155
Kapitel 156
Kapitel 157
Kapitel 158
Kapitel 159
Kapitel 160
Kapitel 161
Kapitel 162
Kapitel 163
Kapitel 164
Kapitel 165
Kapitel 166
Kapitel 167
Kapitel 168
Kapitel 169
Kapitel 170
Kapitel 171
Kapitel 172
Kapitel 173
Kapitel 174
Kapitel 175
Kapitel 176
Kapitel 177
Kapitel 178
Kapitel 179
Kapitel 180
Kapitel 181
Kapitel 182
Kapitel 183
Kapitel 184
Kapitel 185
Kapitel 186
Kapitel 187
Kapitel 188
Kapitel 189
Kapitel 190
Kapitel 191
Kapitel 192
Kapitel 193
Kapitel 194
Kapitel 195
Kapitel 196
Kapitel 197
Kapitel 198
Kapitel 199
Kapitel 200
Kapitel 201
Kapitel 202
Kapitel 203
Kapitel 204
Kapitel 205
Kapitel 206
Kapitel 207
Kapitel 208
Kapitel 209
Kapitel 210
Kapitel 211
Kapitel 212
Kapitel 213
Kapitel 214
Kapitel 215
Kapitel 216
Kapitel 217
Kapitel 218
Kapitel 219
Kapitel 220
Kapitel 221
Kapitel 222
Kapitel 223
Kapitel 224
Kapitel 225
Kapitel 226
Kapitel 227
Kapitel 228
Kapitel 229
Kapitel 230
Kapitel 231
Kapitel 232
Kapitel 233
Kapitel 234
Kapitel 235
Kapitel 236
Kapitel 237
Kapitel 238
Kapitel 239
Kapitel 240
Kapitel 241
Kapitel 242
Kapitel 243
Kapitel 244
Kapitel 245
Kapitel 246
Kapitel 247
Kapitel 248
Kapitel 249
Kapitel 250
Kapitel 251
Kapitel 252
Kapitel 253
Kapitel 254
Kapitel 255
Kapitel 256
Kapitel 257
Kapitel 258
Kapitel 259
Kapitel 260
Kapitel 261
Kapitel 262
Kapitel 263
Kapitel 264
Kapitel 265
Kapitel 266
Kapitel 267
Kapitel 268
Kapitel 269
Kapitel 270
Kapitel 271
Kapitel 272
Kapitel 273
Kapitel 274
Kapitel 275
Kapitel 276
Kapitel 277
Kapitel 278
Kapitel 279
Kapitel 280
Kapitel 281
Kapitel 282
Kapitel 283
Kapitel 284
Kapitel 285
Kapitel 286
Kapitel 287
Kapitel 288
Kapitel 289
Kapitel 290
Kapitel 291
Kapitel 292
Kapitel 293
Kapitel 294
Kapitel 295
Kapitel 296
Kapitel 297
Kapitel 298
Kapitel 299
Kapitel 300
Kapitel 301
Kapitel 302
Kapitel 303
Kapitel 304
Kapitel 305
Kapitel 306
Kapitel 307
Kapitel 308
Kapitel 309
Kapitel 310
Kapitel 311
Kapitel 312
Kapitel 313
Kapitel 314
Kapitel 315
Kapitel 316
Kapitel 317
Kapitel 318
Kapitel 319
Kapitel 320
Kapitel 321
Kapitel 322
Kapitel 323
Kapitel 324
Kapitel 325
Kapitel 326
Kapitel 327
Kapitel 328
Kapitel 329
Kapitel 330
Kapitel 331
Kapitel 332
Kapitel 333
Kapitel 334
Kapitel 335
Kapitel 336
Kapitel 337
Kapitel 338
Kapitel 339
Kapitel 340
Kapitel 341
Kapitel 342
Kapitel 343
Kapitel 344
Kapitel 345
Kapitel 346
Kapitel 347
Kapitel 348
Kapitel 349
Kapitel 350
Kapitel 351
Kapitel 352
Kapitel 353
Kapitel 354
Kapitel 355
Kapitel 356
Kapitel 357
Kapitel 358
Kapitel 359
Kapitel 360
Kapitel 361
Kapitel 362
Kapitel 363
Kapitel 364
Kapitel 365
Kapitel 366
Kapitel 367
Kapitel 368
Kapitel 369
Kapitel 370
Kapitel 371
Kapitel 372
Kapitel 373
Kapitel 374
Kapitel 375
Kapitel 376
Kapitel 377
Kapitel 378
Kapitel 379
Kapitel 380
Kapitel 381
Kapitel 382
Kapitel 383
Kapitel 384
Kapitel 385
Kapitel 386
Kapitel 387
Kapitel 388
Kapitel 389
Kapitel 390
Kapitel 391
Kapitel 392
Kapitel 393
Kapitel 394
Kapitel 395
Kapitel 396
Kapitel 397
Kapitel 398
Kapitel 399
Kapitel 400
Kapitel 401
Kapitel 402
Kapitel 403
Kapitel 404
Kapitel 405
Kapitel 406
Kapitel 407
Kapitel 408
Kapitel 409
Kapitel 410
Kapitel 411
Kapitel 412
Kapitel 413
Kapitel 414
Kapitel 415
Kapitel 416
Kapitel 417
Kapitel 418
Kapitel 419
Kapitel 420
Kapitel 421
Kapitel 422
Kapitel 423
Kapitel 424
Kapitel 425
Kapitel 426
Kapitel 427
Kapitel 428
Kapitel 429
Kapitel 430
Kapitel 431
Kapitel 432
Kapitel 433
Kapitel 434
Kapitel 435
Kapitel 436
Kapitel 437
Kapitel 438
Kapitel 439
Kapitel 440
Kapitel 441
Kapitel 442
Kapitel 443
Kapitel 444
Kapitel 445
Kapitel 446
Kapitel 447
Kapitel 448
Kapitel 449
Kapitel 450
Kapitel 451
Kapitel 452
Kapitel 453
Kapitel 454
Kapitel 455
Kapitel 456
Kapitel 457
Kapitel 458
Kapitel 459
Kapitel 460
Kapitel 461
Kapitel 462
Kapitel 463
Kapitel 464
Kapitel 465
Kapitel 466
Kapitel 467
Kapitel 468
Kapitel 469
Kapitel 470
Kapitel 471
Kapitel 472
Kapitel 473
Kapitel 474
Kapitel 475
Kapitel 476
Kapitel 477
Kapitel 478
Kapitel 479
Kapitel 480
Kapitel 481
Kapitel 482
Kapitel 483
Kapitel 484
Kapitel 485
Kapitel 486
Kapitel 487
Kapitel 488
Kapitel 489
Kapitel 490
Kapitel 491
Kapitel 492
Kapitel 493
Kapitel 494
Kapitel 495
Kapitel 496
Kapitel 497
Kapitel 498
Kapitel 499
Kapitel 500
Kapitel 501
Kapitel 502
Kapitel 503
Kapitel 504
Kapitel 505
Kapitel 506
Kapitel 507
Kapitel 508
Kapitel 509
Kapitel 510
Kapitel 511
Kapitel 512
Kapitel 513
Kapitel 514
Kapitel 515
Kapitel 516
Kapitel 517
Kapitel 518
Kapitel 519
Kapitel 520
Kapitel 521
Kapitel 522
Kapitel 523
Kapitel 524
Kapitel 525
Kapitel 526
Kapitel 527
Kapitel 528
Kapitel 529
Kapitel 530
Kapitel 531
Kapitel 532
Kapitel 533
Kapitel 534
Kapitel 535
Kapitel 536
Kapitel 537
Kapitel 538
Kapitel 539
Kapitel 540
Kapitel 541
Kapitel 542
Kapitel 543
Kapitel 544
Kapitel 545
Kapitel 546
Kapitel 547
Kapitel 548
Kapitel 549
Kapitel 550
Kapitel 551
Kapitel 552
Kapitel 553
Kapitel 554
Kapitel 555
Kapitel 556
Kapitel 557
Kapitel 558
Kapitel 559
Kapitel 560
Kapitel 561
Kapitel 562
Kapitel 563
Kapitel 564
Kapitel 565
Kapitel 566
Kapitel 567
Kapitel 568
Kapitel 569
Kapitel 570
Kapitel 571
Kapitel 572
Kapitel 573
Kapitel 574
Kapitel 575
Kapitel 576
Kapitel 577
Kapitel 578
Kapitel 579
Kapitel 580
Kapitel 581
Kapitel 582
Kapitel 583
Kapitel 584
Kapitel 585
Kapitel 586
Kapitel 587
Kapitel 588
Kapitel 589
Kapitel 590
Kapitel 591
Kapitel 592
Kapitel 593
Kapitel 594
Kapitel 595
Kapitel 596
Kapitel 597
Kapitel 598
Kapitel 599
Kapitel 600
1974-2024
1
Mir si no nid dert
Mir si no nid dert womr gärn wette si abr
Mir si scho dert womr nonid wette si wemr
Wette dert si womr iz no nid si de würdemr
Sichr zersch mau Znüni näh abr dert womr
Wette si heimr no kes xeh u niemr hettis xeit
Dases dert settigi hett abr me chas träje wime
Wott sgitt nüt Bessers ause schöne Ungrschid
Abr säxde niemerem schüsch wei när grad au
Vo däm schöne saftige Schtück i ha scho mau
So eine gha abr dä isch nideso guet xi u we das
Liedli äntlech fertig isch de hani mini Rueh u cha
Mini aute Schischue widr ufz Gschteu schteue wüu
Am Afang loufz gäng echli harzig u de muesme haut
Schmiere u saube bises flutscht u macht u tuet so dasme
Cha säge daschiz e schöni Oschtere xi udi Oschtereier si o
Schön xi u mir si o schön xi u aues isch so schön xi u mir
Wettes wäger nid misse ungrde Hornisse womr geschtr
Scho hei häregschisse womr dr Bisse hei furtgschosse
Udr Kurtli sis Welo hett a Ranze gheit für nüt u widr
Nüt i sire ganze Tümmi u gränzelose Vrrückti
2
Är hett fasch
Är hett fasche haube Tag prucht
Bisers äntlech begriffe hett är hezech
Richtig hingrsunne wüu das hettim
Zschaffe gmacht fasch wärer no uf
Radufinge gschprunge u fasch hättr
Nones Güezi gnoh abr zum Glück
Hez kesme idr Büchse gha es isch
Ja nideso dasme nid chönnti rede
Mittim abr weme würdi de gubs no
Meh Meis u Chritz ude isches gschidr
Me machz eifach nid wüu so geiz nümm
Wittr mite Liedr u Tschittr ufdr Bigi wärde
Nass wes rägnet u weme di ganzi Bigi nid
Duet abdecke abr wäm sägi das sisch gäng
Zgliche niemr lostmr zue weni öppis säge
Sisch gäng grad wi i Wind ghornet u i Näbu
Tuutet i bimrs langsam leid u de chunnt no
Drzue dases sech das gar nid duet riime grad
Iz womr ha vorgnoh i düeg numeno Liedr
Schribe wosech düe riime
3
Di Sängr wei
Di Sängr wei keni Liedr singe
Wosech nid düe riime usi wei
Kenr Liedr singe wo angäblech
Ke Ritmus heige si wei gäng nume
Härz uf Schmärz u im Argou si zwöi
Liebi uf das wartesi u wartesi u wartesi
I hamers ja scho tängkt abr i hamers so
Fescht vorgnoh Erewort i hamr fescht
Vorgnoh dasmau miechi eifach das wosi
Wei u wosi druf plange u so dranne hange
Auso uf Liedr wome liecht cha singe nume
Wüusi e Takt une Ritmus vrlange u wüusi
Sech gäng so schön düe riime wi äbe Härz
Uf Schmärz u Gäut uf Wäut u wo gäng nume
Vo schöne Modi handle u vo geile Giele mite
Geile Niele u wo nüt aus scharf ufse si u meh
Grad gar nid so loufz nämlech i Würklechkeit
Ap nume so es handlezech gäng nume um Modi
U Giele wos umzvrrecke wei wüsse sisch afa chli
Längwilig wemi fragsch sisch ja gäng zgliche
4
Iz singemr eis
Iz singemr eis wosech äntlech duet riime
Drmit wottimi ganz eidüttig bi öich ischliime
I wott doch one liebe Giu si wo immr macht
Wasmenim seit u wasme vonim erwartet
Drum machenis haut eso wimes wott ha
I wottja nid dä si wo hie nid mitmacht u duet
Pschiisse nume wüuer zfuu isch dr Fingr usem
Arsch znäh uni weis doch dasis cha dasi cha
Riime u dasi cha schliime wüui weis widr Has
Louft das hani übrigens scho gäng gwüsst wedrs
Weit wüsse i weisja dasme gschtraft isch weme nid
Duet fouge wüu hie ume hettme sofort zZwöi am
Rügge weme nid macht wasme eim seit i kenne das
Scho lang i has scho mänggisch erläbt uni has oscho
Mänggisch zschpüre übrcho mir chame nüt vormache
Mi chame doch nümme hingrz Liecht füere ibi scho
Mänggisch pschisse worde u zwar viu zviu u viu zlang
Wüui haut e Tubu bi das ischdr Grund u dert düre
Louft dr Has iz wüssetr Pscheid iz chönnetrs
Grad ge wittrvrzeue
5
Iz hockeni widr einisch
Iz hockeni widr einisch idr Chuchi am Chuchitisch
U schrissemr Thaar us wüus eifach nie so usechunt
Winis gärn wett u wasi wett es isch doch ganz eifach
I wett doch nume chlini Liedli schribe wosech düe riime
So dasimi cha ischliime bide Giele u Modi isch de das
Zviu vrlangt isch de das so schwär zvrschtah isch de das
Ganz unmüglech dasi eifach nume due vormi härebrünzle
Uz Chaub mache u eifach nume due schribe wasne gfaut u
Wassi gäng wei ha i machesja nid äxtra i wozja o gar nid
Eso ha wis geng usechunnt u winis säubr gar nid wott ha i
Weisja nid winis sött träje für dases äntlech duet flutsche u
Dasimr am Änd nid gäng mues säge so hanis abr nid wöue
Isches de no müglech dasi äntlech öppis schribe wo aune
Gfaut abr i chas träje wini wott es chunnt gäng angrs use
Aus das woni wott sisch wi vrhäxet i maches gwüss nid
Äxtra uni gibemr so Müeh uni haja so Müeh drbi das isch
Zum Vrzwifle i säges nume i wottja nid gränne i wottja nid
Gniete uni wottja nid dä si wosech gäng mues useschnure
Wüu so bini gwüss nid ibi numene gwöhnleche Tschumpu
Wo nidemau cha velofahre u sackgumpe u Höi zämeräche
6
I mueses ja
I mueses ja immr widr vrsueche i mues ja immr
Widr vo vore afa uni mueses eifach probiere wüu i ha
Gmerkt dasesmr louft wesmr äntlech widr einisch louft
Es ischja gäng zgliche mittm Tegschte i weises afe guet
Entwedr geit öppis odr es geit grad gar nid so isches u
Wes äntlech louft de loufz u wes nid wot de loufz haut
Nid das isch eifach zphaute da chame nüt drgäge mache
Entwedr loufz odr es louft grad gar nüt u we nüt louft de
Chasches grad vrgässe i säges nume dasdrs wüsset i has
Scho mänggisch erläbt dasdr guet Wiue zwar da wäri abr
Dases mittem Mache eifach nideso flutscht de muesmes
Eifach widr ipacke u zuemache u ufschtah u wäggah u witt
Furtseckle wüu de nüztes grad gar nüt o weme meint me
Chönnis erzwinge wüume chas grad gar nid erzwinge me
Cha nüt erzwinge o weme meint me chönnis erzwinge das
Chasch grad vrgässe i sägedrs Liedli singe chasch nume
Wesdr drum isch u fertig da dranne giz nüt zrüttle das
Isches auz Xez wo scho dr Moses hett vom Bärg Sinai
Obenabe pracht i schwöres uf Schteitafele gmeisslet u
Vom Liebgot säubr u eigehändig pärsönlech ungrschribe
7
I gange nid drvo us
I gange nid drvo us dasi aues besser weis abr
I weis dases viu gitt woni besser weis aus aui
Angere abr i wott nid drmit dasumeplöffe uni
Wott drmitt o nüt xeit ha abr i säge nume eis i
Däm Öpfu ischdr Wurm drinn dir chöitiz säge
Dasi das zersch mau söu bewise dasi nid eifach
Nume Züg chönni phoupte u meine aui gubtimr
Sofort rächt drbi isches ja gar nid eso dasi düeg
Phoupte wasi meine odr dasi meine wasi phoupte
So wi denn wo dr Pesche Chäjebüu phouptet hett
Si Vattr sigi mittm Flügr fasch bis zur Sunne gfloge
Abr churz vorhär sigim Zbänsin usgange so dasr
Leidr heigi müesse umchere schüsch wärer dert
Obe glandet da dranne hani lang müesse dasume
Schtudiere wüui lang nid ha gwüsst obi das söu
Gloube odr nid abr schliesslech hanis ufgäh u has
Am Chräjebüeu nid abkouft wüuimr nid ha chönne
Vorschteue das am Chäjebüeu si Peer e Flügr hett
Wüuer doch nie deheime isch u sini Familie latla
Hocke wi Tlütt säge me weis nidemau wasr macht
8
Weme äntlech
Weme äntlech begriffe hett
Dasdr Mond um Tärde träit
U das Tärde um Zunne träit
De hettme äntlech vrschtange
Dassech immr aues um aues
Träit es träizech ja gäng aues
Nume drum dassech aues um
Aues träit u dasme vo niene
Würklech cha drvolouffe me
Isch gäng grad zmiz drinne im
Ganze Chueche grad u us däm
Chueche chuntme nie use o we
Me witt furtsecklet u nieme wot
Zrügg cho me isch nämlech haut
Trotzdäm immr no psungrs drbi
Wüu me ghört haut derthäre wome
Härchunnt u nid derthäre wome grad
Isch ob eim das ize gfaut odr nid das
Chame nid ändere u das chame o nid
Vrlügne u das louft eim eifach nache
9
Sisch wine Sucht
Sisch wine Sucht
Das huere Schribe
Sisch wine Sucht
U je eutr dasi wirde
Desto süchtigr bini
Weni e haube Tag
Lang nüt schribe de
Hani grad sofort
Enzuxerschiinige
De wirdeni ganz
Zablig u tigere
Dasume wines
Tubeli i mueses
Eifach mache
Ganz glich
Winis mache
I mues eifach
Gäng schribe
Ganz glich
Wonis mache
10
Sisch wahr
Sisch wahr me dängkt
Aus aute gschtabige Secku
Viu meh a früechr aus früechr
Me dängkt gäng widr zrügg u
Me chas gar nid la si wüus eifach
Dängkt u dängkt u me vrgisst was
Ume isch u me lat aues grad la gheie
So wirtme langsam zum Dattrgreis
Früechr hamr das gar nid chönne
Vorschteue wi das isch abr iz weisis
Lengschtens u gneuer ausmrs jemaus
Lieb wär xi u das vom Bisle schtimmt
O u das vode Scheiche wo nümme wei
Schtimmt o u das vom Schwanz wode
Nümme gschpürsch schtimmt o aues
Schtimmt wasme übr di aute Seckle
Seit eifach aues i schwöres es isch aues
Wahr dranne dr ganz Autrshoror isch
Plötzlech e Tazach worde u zwar
Schneuer ausme cha Pap säge
11
I zwingemi zu nüt
I zwingemi zu nüt
I mache eifach wasi
Wott i gloubes i hami
No nie so frei gfüeut
Wi iz wonis eifach uf
Bärndütsch chala louffe
So wis wott i due nüt drzue
Uni nime nüt ewägg drvo
I las eifach la tschättere
Uni bi immr gschpannt
Wos iz widr häre geit es
Geit ja immrno amene Ort
Häre wome nie zum Vorus
Weis es cha nid eifach blibe
Schtah odr niene häre ga abr
Es ischmr wurscht was use
Chunnt drbi u wis witrgeit
Erewort es ischmr iz eifach
Numeno wurscht uni chanech
Nid säge werum dases so isch
12
Bärndütsch schribe
Bärndütsch schribe
Isch wine Erlösig es
Duet eim eifach guet
Uf Bärndütsch zsinge
Isch sichr zgliche wüu
Niemr cha eim jemaus
Vorschribe wasme darf
Schribe odr wasme darf
Singe u was nid u niemr
Cha eim übrhoupt no säge
Odr sogar vorschribe wime
Mues schribe u wasme mues
Schribe u wasme nid darf so
Winis scho mänggisch erläbt
Ha so wimes eim früechr es
Läbe lang hett vorgschribe u
Gäng nume vo Zwang u
Drohige begleitet hett die übli
Zitt isch iz äntlech vrbi Fründe
Dä Hung isch vrlochet
13
Me mueses ja
Me mueses ja immr zersch säubr usefinge wimes
Cha mache u wimes mues mache das seit eim zum
Glück niemr meh vor me chaja nid gäng nume mache
Was Tlütt erwarte u wassi wei ghöre u wassi vrlange
Me muessech äntlech einisch befreie drvo o wes e chli
Weh tuet o wes Ergr macht abr dert düre muesme eifach
Einisch ga u wemes nie macht de ischme säubr tschułd
De hettmes ändgüutig vrchachlet u ganz eifach vrsouet
U das isch schad das isch schlimm u das isch fautsch
U drum muesme eifach wüsse dasme si Wäg säubr
Mues ga u si Sach säubr mues dürezieh so schwär
Es mänggisch isch dert düre hettme ke Weli dert düre
Giz nume ei Wäg das isch dr eiget Wäg das si di eigete
Ziu womesech mues setze u schüsch isch da nüt u niemer
U schüsch giz da nütu niemer da chasch druf ga da louft
Schüsch grad gar nüt ap u da giz schüsch nüt zxeh abr es
Macht eigetlech o grad nüt us wes nideso louft wime wot
Sisch abr aube nume haub so schlimm wes angrs usechunnt
Wüu wes angrs usechunnt de chunnz haut angrs use u fertig
Dasch aues meh giz da nid zsäge
14
Schribe mit Liebi
Schribe mit Liebi
Isch wi singe mit Liebi
U singe mit Liebi
Isch wi läbe mit Liebi
U läbe mit Liebi
Isch wi si mit Liebi
Wüu Tliebi mues
Scho si wüu oni Liebi
Louft nüt ap im Läbe
Weda ke Liebi isch
De chasches grad
Vrgässe Tliebi bringz
U Tliebi machz us
Wüu Tliebi bruchz
U Tliebi hez druff u
Wede das begrifsch
De hesch grad aues
Richtig begriffe du
Aff i säge nume eis
Tliebi bringz u schüsch nüt
15
O wede nume
O wede nume einisch häre
Luegsch hesches scho xeh
Abr wede zwöimau häre
Luegsch de ligsch grad im
Schnee udu weisch nümme
Meh so muesch haut gäng
Luege udi Chue ge sueche
U wede mau drnäbe schteisch
De weisch ämu woz Fleisch
Im Garte wachst hesch sichr
Schones Mau es schöns Fischli
Xeh im See u heschdr tängkt vo
Dene wetti schono meh vo dene
Wetti onemau es Chesseli vou
Für mini Chuchi abr gäu es git
Gäng widr Räge wode schnäu
Mau duesch vrgäbe säge gang
Gäge Tschtäge wäge de Gazzäue
Wo zaagge im Räge u schnaagge
Im Schnee
16
Sidr dasi numeno
Sidr dasi numeno schöni Sätzli schribe
Chani bessr schlaaffe weni mues u sidr
Dasi numeno bluemeti Trögli schnitzle
Chani bessr Chueche ässe weni wott so
Isches immr mittem grosse Agebot wede
Vrschteisch wasi meine dert düre heimrs
Scho gäng gha dert düre geiz nämlech
Dert düre muesme sueche weme wott u
Weme dr Chueche wott vrflueche bim
Beeriläse giz ke Schoggelah abr i wott
Übr das nüt xeit ha nid dasmemr när duet
Nachesäge i heigis mitem Wächsuschtrom
Das schtimmt so nämlech nid abr i ha scho
Lang drübr nachetängkt uni ha usegfunge
Dasi scho mänggisch dürt Pampa ggange
Bi wäg au dene Fahneschtange abr ibi düre
Uni gibes zue uni has scho hingrmr i has scho
Erlediget i weis wis isch u wedrs o weit wüsse
De müesstr nume dranne blibe u wittrläse i däm
Schöne Liederbuech für Härz u Schmärz u Seu
17
Es gitt nämlech
Es gitt nämlech nume ei ganz gigantische Fähler
Wome cha mache weme nid vrschteit wis geit
Abr i säge nid was wüu aui Cordon blö wome
Macht hei mit eim einzige Thema ztüe womr
Aui kenne u woni weis dasis scho vo Afang a
Vrbocket ha es duetmr leid i weises i ha zersch
Nid gwüsst das aues zämehanget wüu i has ganz
Einfach no nid vrschtange i ha immr tängkt das
Machi nüt das sigi nid lätz abr ersch schpeetr
Hani gmerkt das aues mitenang vrschlunge isch
Abr wonis gmerkt ha isches scho zschpät xi sisch
Wi gäng u wes nämlech zschpät isch de frissz eim
Füre ganze Räschte vodr Vorschtelig unbarmhärzig
Dür aui Vrschlingige u Vrlüchtige düre unes frisst
Sech i eim ine u dür eim düre grad bises eim putzt
Da chasch druf ga das isches auz Xez wo gmacht isch
Um Tlütt zvrseckle uz vrjage uz vrsorge uz vrtüfle da
Chasch nüt mache das isch viu gröser aus du säubr da
Chasch nume zueluege unechli drübr nachedängke udr
Säge ou vereckt hätti das denn nume ganz angrs gmacht
18
Zitt raset vrbi
Zitt raset vrbi si schletzt um aui
Egge u Ändine si zeigtr dr Vogu
U machtr dr koprophagisch Gruess
Ude weischo grad wases gschlage
Hett sisch nämlech gäng zgliche
Du weisch ersch nächär was glüffe
Isch udu chasch ersch nächär säge
Wis eigetlech hätti söue louffe du
Mueschdi eifach dra gwane dase
Füechti Zündschnuer nüt bringt u
Nüt macht u nüt wott u nüt cha u
dases mittere füechte Zündschnuer
Nümme geit u nümme louft u gar
Nümme zündet u nümme tätscht
Wede vrschteisch wasi meine u
Wede weisch wasi wott säge u
Wede chasch xeh was abgeit im
Vrschneite Bärgtau hingr wodr
Fuchs am Has guet Nacht une
Schöni Wienacht wünscht
19
Bisch nid druf vorbereitet
Bisch nid druf vorbereitet das dis Wachstum nümme wott
Du weisches eifach nid das dis Wachse einisch nümme cha
Du merksches abr ersch wes scho zschpät isch wüu zersch
Gloubsches gar nid udu fragschdi nume wi isch das de cho
Wi isch das übrhoupt müglech xi dassech di Wuet i dim
Mage nümme duet schtoue u das dini Pfauefädere chasch
Vrgässe du muesches nämlech würklech grad vrgässe wüu
Es geit eifach nümm es fungkzioniert eifach nümm es wott
Eifach nümm da chasch mache wasde wosch chasch dranne
Schriisse chasch dranne dasumefingerle solang de wosch
Es duet ke Wangk meh es isch numenones bleichs Objekt
Idr länge Warteschlange wodi gwüss nümme schtouz cha
Mache wüus eifach nümme funzt es macht nümm es wott
Nümm unes cha nümm u fertig udu fragschdi di ganzi Zit
Für was das no söu guet si du chasches ja nid ändere u für
Nümme bruche me chönnz eifach abschnide u wägg drmit
U furt mit Schade u fertig abr es hanget immr no adr anne
Udu hangisch ono dranne du hesches gärn abr du wirsches
Nümme los es fulet wenigschtens nid ap unes trochnet o
Nid unes isch nume nones churzes Wort idr Pampa usse
20
Dr Ritmus ligt
Dr Ritmus ligt idr Schprach
Udr Ritmus isch scho guet eso
Du mueschne nid extra wöue du
Mueschne nid extra pflege udu
Mueschne eifach nume la si
Winr isch de ischr scho guet
Da giz nüt dranne zdökterle
Da giz nüt dranne zfigureetle
Da giz nüt drübr zhingrsinne
Uda giz nüt womesech mues
Frage wi geit äch das witr geit
Das no witr so das chasch grad
Vrgässe wüu Tschprach säubr
Weis wos düregeit ladi nume nid
La vrseckle Tschprach hez säubr
Druff dere muesme nid säge wisi
Mues töne u wisi mues si di hett
Scho rächt u so isches für aui rächt
für di Schöne udi Wüeschte u fürdi
Arme udi Riche eifach für aui glich
21
Immr weni
Immr weni idr Badwanne lige
Odr weni ufm Töff vormi häre fahre
U mänggisch sogar bim Schlaaffe
Chömemr immr di beschte Idenene
Da schpiut mi Gring richtig vrruckt
De träizech aues um di chline Sätzli
Woni äntlech sött bruche u irgendwo
Isetze aues gäng schöni Liedafäng
Woni sofort sött ufschribe abr de hani
Aube nüt bimr ude vrgissenis widr
Sisch gäng Zgliche drum sötti äntlech
Das Diktafon widr fürenä woni denn
Kouft ha wüui tängkt ha dasi so mini
Guete Ifäu chönnti feschthaute schtatt
Ufschribe wüus so vilech ringr gieng
Uni so au das Züg immr widr chönnti
Fürehole wenis bruchti abr i weis nid
Rächt i trouenim eifach nid übere Wäg
Däm elektronische Aperätlizüg zum
Drann umenifle u umefingerle
22
Di tüpflete
Di Tüpflete odr di Gschtreifte
U wescho di Gschtreifte weli
Gschtreifte di längs odr di quer
Gschtreifte hütt hani Tüpfleti
Xeh u fasch häze gnoh abr de
Hezmi tüecht di sige äuä nume
Für Froue ude hanise la si trotz
Dassimr gfaue hätte abr scho nume
Dr Vrdacht längt dasi öppis lala si
Das ischo typisch abr i mah eifach
Nid gäng ge Thereabteilig ufsueche
Wüu idr Hereabteilig isch meischtens
Nüt Rächz zfinge u drzue ischesmr
Aube nid wou dert abr bide Froue
Wotti o nid si wüu de dängke au i sig
Sone grusige Schpannr odr e blöde
Schpinnr wo so abartig isch dasersech
Liebr idr Froueabteilig dasumetribt
U so bini gar nid i bi ganz normau
U nideso pervers wis usxeht
23
I bruche nume
I bruche nume vor mini Hustür zträtte u scho
Bini imene frömde Land ungr frömde Lütt ire
Frömde Kultur mit frömde Brüüch u frömde
Schprache uni bruche drum auso nid zersch
Mittem Flügr wit furt zflüge i frömdi Ländr
I frömdi Kontinänte u übr unbekannti Meer
Um amene Ort zsi wo aues frömd für mi isch
Das hani o hie deheime u zwar jede Tag u gäng
Sofort wenimr di Lütt hie due aluege umer alose
Wassimr säge u zwar ganz glich wäres isch u
Wosi schtöh u wassi si u wassi mache u wassi
Wei u wassi chönne u wassimr zvrzeue hei de
Weisi aube sofort hie bini nid drbi hie ghöreni
Nid drzue u hie bini nüt u niemr wüu hie mit
Au dene frömde iheimische Lütt wirdeni geng
Ganz schief agluegt vo schreg ungr gäge ufe
Präzis so wi vo irne Hüng u irne Ching u irne
Vögu u de weisi aube sofort das si gwüss nid
minr Fründe u vo dene isch sichr nüt zerwarte.1
24
Vom Garte us
Vom Garte us xeni anes frömz Huus häre
Mit viune Lütt drinne woni nid kenne woni
No nie ha xeh u woni nid weis wisi heisse
Wärsi si u wassi mache i fragemi nidemau
Wasäch das für Lütt si u wassi mache wemrs
Richtig übrlege wotis gar nid wüsse wärsi si
U wisi heisse ganz einfach drum nid wüusmr
Totau glich isch wüumr Tlütt hie totau glich si
I haute nüt vone i hautese nid us uni wot nid
Wüsse wassi mache u wärsi si i wot vo dene
Lütt gar nüt wüsse uni woto nüt mitne ztüe ha
I wot eifach niemeh öppis mitne müesse ztüe
Ha wüui das gar nüm vrtrage u das isch nid
Schwär zvrschtah findi wüu das drückt nume
Aui mini schlächte Erfahrige mit dene Lütt hie
Us wüu i weis genau wisi si uwi fautsch si si u
Wisi lüge u pschiisse dases eim grad gruset
1 I meine di Iheimische, nid di Ussländische. Di Usländische simer viu simpatischer aus di Iheimische.
25
Lüge u pschiisse
Lüge u pschiisse u schtäle u
Vrlümde u bedrohe u beleidige
U erpresse das chöisi guet u zwar
Am beschte usere sichere Dischtanz
U vor auem anonym das heisi druffe
Dert düre sisi schtarch so sisi haut di
Iheimische Heudetenör hie am beschte
Hettme mitne auso nüt ztüe u schüsch
Muesme eifach gäng druf achte dasme
Abschtang phautet u dasme ja nie öppis
Mittne ztüe hett wüume weis ganz genau
Sisi präzis so vrloge u vrdorbe u vrfulet
U vrsecklet u vrblödet wi iri Gofe u wime
Scho geng hett tängkt i kenne schüsch niemr
Wo so vrdorbe isch widi Lütt hie wo nüt angers
Aus lüge u pschiisse u bedrohe u beschimpfe u
Beleidige druffe hei wis grad so usne usechunnt
Us au dene Höseler u hinterhäutige Feiglinge u
Feige Gnietine u ewige Grännisieche i weises
Eifach dases ke Fröid macht di Lütt hie zkenne
26
Drum brucheni
Drum brucheni nid iz Ussland zga wüu ibi
Scho im Ussland weni hie im Inland bi u vor
Mini Hustüre due trätte das isch für mi scho
Aues Ussland hie i bruche zwar niene dr Pass
Zzeige abr i weis nidemau ob das e Vorteu isch
Odr e Nachteu wüu mi aut Pass isch lengschtens
Abgloffe i hane scho sit Jahre nümme ide Fingr
Gha wahrschinlech müesstine ga la ernöiere abr
Es isch nid wichtig wüui bruchene vorussichtlech
Sowiso nümm i bruchene ja eigetlech lengschtens
Nümm di Zitte si vrbi dasi iz Ussland gfahre bi ummi
Zerhole i wüssti gar nid woni häre wett wüu eigetlech
Hani scho aues xeh woni jemaus ha wöue xeh odr ha
Wöue psueche i bruche gar nümm furtzga i ha Zussland2
Ja deheime diräkt vordr Türe das brucheni gwüss nümm
Frömdi Schtett u frömdi Lütt u frömdi Sitte hani aues
Hie uni woz eifach nümme ha uni fragenim nümme drna
U eigetlech hani drmit scho lengschtens abgschlosse
Wemes gnau nimmt u wes eim nümme wichtig isch
2 Auso Tschwizz
27
Mitte Füuwörtr
Mitte Füuwörtr chame gäbig Löchr schtopfe das geit
Rächt tifig wemes einisch druffe hett mit Füuwörtr
Chasch eifach aues zueputze zueschtopfe zuemache u
Zuepfropfe solangde wosch i weis gar nid werum die
Sone schlächte Ruef hei sisi doch so gäbig u chönne
Überau prucht wärde usi choschte erschno nüt sisi
Eifach zum Bruche da was woschno meh früechr hez
Zwar aube gheisse Füuwörtr use u aui grusige Wörtr
Use aui Frömdwörtr use u aui übrflüssige Wörtr use u
Aui pilotische Adüttige use drbii mache doch nume di
Grusige Wörtr dr Brate feiss das weisme doch abr es
Hett sogar setig ggäh di hei aui Adjektiv usegheit nume
Wüumene xeit hett das sigi iz psungrs modärn u das
Müesme iz so mache wiz Dütschland uz Ängland uz
Amerika u de hez aube sofort setig gäh wo gfouget hei
Audi hingeregschträute Muschtrschribis wüusi scho
Gäng gfouget hei uso apasst si xi dasmese gar nümme
Xeh hett udi hei numeno so miggeregi Sätzli häreprünzlet
Wandtafelesätzli heisi däm xeit usi hei phouptet das sigi
Ize di modärni Literatur ja Läck du mir was fürne Schmare
28
Iz fahresi aui
Iz fahresi aui Velo wüune dr Döktu xeit hett si
Müessi öppis mache füre Körpr u prompt sisi ganes
Velo chouffe u fahre iz überau drmit dasume idr aktuelle
Velochleidig us farbige Schtöff mittm ängschte Schnitt
Wono müglech isch wägem Luftwidrschtand so dasme
Dürexeht bisi Füdleschpaut ine weme hingerne im Schritt
Duet nacheschliche u de dängktme immr grad aus Erschz
Az Schtärbe u me dängkt immr grad dra wis isch weme
Angscht vorem Schtärbe hett u aues macht um Zschtärbe
Zvrhindere u umsech zvrschone usech Zläbe zvrlengere
Si maches ja nid us Überzügig sondrn us Angscht vorem
Schtärbe weis dr Tüfu werum wahrschinlech heisi no
Schułde wosino müesse abschtottere u drum pedalesi
Wi pisse ume See idr Hoffnig dassi när no chli lengr
Chönne abzahle abr werum weis niemr so rächt es git
Ja ke Grund um lengr zläbe aus nötig es putzt eim ja
Einewäg einisch u nume einisch obme ize dick im
Gschäft isch odr scho dünn u chrangk im Schpitau ligt
Odr no xung u zwäg odr rich odr arm odr scho blöd odr
No nid ganz gaga odr wichtig odr ganz chli u unbedütend
29
Bisch izno xung
Bisch izno xung du Hung odr geitesdr o nume drum
Bidr Kasse so viu usezhole u abzhole wi nume müglech
So dassdr chasch säge i ha aues widr dusse es hettmi nüt
Koschtet u so hesch aues widr zrügg ghout udu bisch iz
Äntlech uf Nuł ungr udu bisch dusse usde feschte Chöschte
Hesches gschaffet mit nacherächne u nachezeue udu hesch
Am Schluss extra e Termin gno so dasde subr usechunsch
Das hett turet das hettes ganzes Jahr turet abr me mues haut
Luege gäu me mues haut säubr luege dasme usechunnt u
Trächnig ufgeit me cha nie gnue nacherächne gäu dasme
Sichr uf sini Rächnig chunnt das wär ja widrsinnig weme
Meh zauti aus inechunnt das wär e richtigi Vrschwändig
Hani nid rächt i weis ja dase Tifige bisch wes umz Kassiere
Geit im Kassiere bisch scho gäng dr Erscht udr Bescht xi
Du blöde Siech udu hesch nid gmerkt dasdi gäng säubr
Inegleit hesch für einisch bisch ja dis eigete Opfer xi du
Opfer hesch nid xeh du bisch dr Löu du bisch di eiget Gigu
Du Secku du Püntu du Schnäbi du Piggr du chaschdi säubr
Bidr Nase nä abr itze isches zschpät udu bisch vou düre bi
Rot wes übrhoupt gmerkt hesch xesches de nid du Gagu
30
Frömdi Ländr
Frömdi Ländr frömdi Sitte frömdi Brüch
U frömdi Schprache frömdi Regle frömdi
Meinige frömdi Hautige das hani aues hie
Im Land säubr grad vordr Hustür fahz scho
A chuum macheni e Schritt vor dTüre u scho
Bini ide Ferie chani säge wüu hie bini grad
Im Ussland hie ischmr aues frömd hie weisi
Nidemau wassi vomr wei u wassi vomr hei
Hie machenine dr Schtei uf zöi Bei u niemr
Fragtim öppis drna u niemr träizech jemaus
Um u niemr nimmt mi übrhoupt o nume mit
Em Füdle zur Kenntnis abr dasch ganz gäbig
So wüu so hani mini Rueh u ha ke Schtress
Mitte Idiote ude Gigle ude Arschlöchr wo hie
I Masse dasumelouffe une schtändig e blöde
Lätsch mache u genau so si wisi usxeh so sisi
Nämlech wisi usgseh si sineso wisi si würklech
Si chönnes nid vrschtecke usi blibe für immr
Wisisi si chönne nüt drgäge mache abr si heis
Nid bessr vrdienet si müesse so blibe wisi si
31
I rede nie
I rede nie übr Sache
Womr wichtig si odr
Womr wichtig si xi
Uf das achteni wüu
I wott nid übr Sache
Rede woni nid drübr
Wott rede auso redeni
Nume übr Sache womr
Nideso wichtig si uf
Das achteni wüu i wott
Ja nume übr Sache rede
Womr nid wichtig si
Nume die erlüttereni
Hingerzi z fürezi wüu
Die luschtigr si u wenigr
Weh mache aus das Züg
Womi belaschtet u häre
Nimmt u usmacht u vilech
Sogar scho hett fertig gmacht
Oni dasis gmerkt ha
32
I chume usdr Höu
I chume usdr Höu u bischo tot
Diräkt usdr Höu das müessetr
Eifach wüsse wüu ibi dr einzig
Wo vo dert widr zrügg isch cho
Wi sinrzit dr Theseus unech gnau
Cha vrzeue wis dert isch xi wüu
I hase xeh i irne ganze meh aus
Furchtbare Dimänsione uni weis
Drum wis dert isch u chanech
Genau säge wie und wo und was
Zersch emau müesstr wüsse das
Thöu nid amene angere Ort isch
Nid tiefr ungr o nid wittr hingr u
O nid dert obe ide Wułke sondrn
Hie ungr grad hie u immr grad iz
Si isch da womr iz grad aui si genau
Da isch Thöu usi isch vo au dene
Lütt bevöukeret wodr aui kennet
Nämlech vo üs säubr u nume vo
Üs säubr u vo niemr angerem
33
Idr Höu hez
Idr Höu hez kenr Tüfle idr
Höu hez keni Häxe idr Höu
Hez kes Für u idr Höu hez
Eifach nüt aus das womr hie
Hei u womr si auso genau das
Wodr aui kennet wüu es gitt
Idr Höu ke Gluet unes hetto
Niene heisses Päch wüu Thöu
Isch das hie womr itze grad si
Hie uf Ärde u niene schüsch
Jede Tag isch nämlech Thöu
Hie geiz ap hie hautemeris gäng
Uf u düe wi we aues gäng ir Ornig
Wär hie simr zmiz drinne zmiz bi
Au dene Lütt wodi gfürchteti Höu
Übrhoupt ersch usmache nämlech
Bide bidere Lütt ohni Fäu u Tadel
Wo Thöu si u das isch di einzigi
Höu da geiz ersch richtig ap mit au
Dene Lütt wo eim Zläbe zur Höu mache
34
E schöne grüene Rase
E schöne grüene Rase im Garte
Härzigi Blüemli ide Rabättli
Chräftigi Böimli idr Hoschtet
Schöni Meitschi überau nöji
Outo ufem Parkplatz türi Velo
Idr Garasch e grosse Teich
Hingerem Hus bunti Schteine
Schön häretischet prächtigi
Gułdfische zum Aluege es
Säubrgmachz Voguhüsi adr
Huswang e Debilisator i jedm
Zimmr es grosses Schminee
Idr Schtube e huffe Fründe
E bedütende Bekanntekreis
E rächte Zapfe am Monezändi
Aues wome cha vrsichere isch
Vrsicheret e nöji Solaralag
Ufem Dach e Wärmepumpi
Näbem Hus u trotzdäm simr
Abgrundtief unglücklech plibe
35
Fertigmönü zum Ufwerme
Fertigmönü zum Ufwerme si dr Hit
Disäingsöff ischdr Hammr idr Brangsche
Wiudi Frisure si hütt azeigt unes Must u
Immr Tscheiche rasiere das ghört drzue
Am Sack darfs o kenr einzelni Haar meh ha
Zouto mues gäng schön glänze idr Sunne u
Pfründinne müesse zum Outo passe aues easy
Muesch gäng säge das zieht immr locker das
Geit o u isch erschno vou dr Hammr u aui
Sache wome im Internet cha pschteue sines
Must Rasemäier wo ganz elei u outomatisch
Düe düremäie u Naselochrasierer wo nid weh
Mache ade Ohre u ide Ohre darfs hüt o kenr
Einzelni Haar me ha muesch geng luege dases
Passt u wede wüeschti Zäng hesch mueschse ga
La bliitsche odr grad nöi la mache wissi Zäng si
Ganz wichtig wüu wede nämlech zMuu nüm
Chasch ufmache wäg dine gäube odr graue Zäng
De chasches grad vrgässe de bisch duss usdr guete
Xeuschaft mite wisse Zäng ude putzte Naselöchr
36
Di Flachwassranemone
Di Flachwassranemone xeno schön us
Odi Mehrzwäckbuttrbire heis vou druffe
Vode Manguwarezuetregr chame nüt säge
Udi Vouchornmehrzwäckwaffe sine reine Hit
Ade Rundumschlegrtype giz nüt zrüttle umdi
Schönheizoperatöre muesimi säubr kümmere
Wüu das schone heikli Ufgab isch am liebschte
Würdimi übrz Wasserbett ergere wüu i wett i hett
E Wasserbett idr Chammere de chönntimi schön
Usschtrecke u tief penne i gloube de hätti aues woni
Bruche i zeue nämlech innerlech gäng uf wasi no
Sött ha es Paar Sandale für im Summr odr es Paar
Haubschüeh für im Herbscht wüu gli isch scho widr
Herbscht das geit aube schnäu u für im Wintr hani no
Übrhoupt nüt nidemau es Haustuech une Chappe u vo
Warme Schueh weimr gar nid ersch rede i weis nidemau
Genau wenn dasi zletschte Mau warmi Schueh anne ha gha
I chami gar nid dra erinnere u wosisi weisi o nid vilech im
Chäuer unger odr im Eschtrig obe i mues migozzeu mau ge
Nacheluege
37
Dr Pöschteler bringtmr
Dr Pöschteler bringtmr eigetlech fasch
Niemeh öppis dasche Fakt u das ische
Quau schtändig gani ge nacheluege obr
Nid doch öppis pracht hett u wärs nume
E amtleche Brief odr e Monezrächnig
Fürz Glozophon abr da isch fasch nie
Öppis ehrlech xeit fasch nie chunnt öppis
Zuemr womr Fröid chönnti mache wüu
Dposcht hettmi äuä scho lengschtns vrgässe
So xeez nämlech us si vrgisstmi eifach
Si vrgisstmi fasch immr si wottmr mini
Poscht eifach nümme bringe u fertig vilech
Heisimi scho usem Regischtr gschtriche
Wüu weni einisch öppis pschteue u six
Nume es Buech odr e chline Notizblock
Odr schüsch öppis Cheibs odr o nume es
Bigeli Fiuzschtifte odr Bürochlammere de
Chani aube wuchelang druf warte u wesi
Äntlech bimr achöme de hanise scho
Lengschtens widr vrgässe
38
Dr Buechhandu
Dr Buechhandu isch im Wandu früechr
Ischr fescht idr Hang vode Bürgr-Liiche
Xi u nume die hei xeit wär darf schribe
U wär nid u wede mitne nüt am Huet hesch
Gha de hesches aube grad chönne vrgässe
De bischno wenigr xi aus nüt u niemr i
Sägedrs nume wis isch xi u wisno hütt isch
Wüu i weis vo wasi rede da hettme eifach
Müesse de Bürgr-Liiche gfaue u schüsch
Isch da nüt zhole xi da hez nüt gha aus di
Bürgr-Liiche si hei dr ganz Handu kontroliert
U wär drnäbe isch xi dä isch grad für immr
Drnäbe gschtange u isch für immr u ewig
Niemr u nüt plibe abr wi xeit hüt isches o
Nid bessr hüt chouft niemr meh es Buech
U di meischte chönne gar nümm läse lue
Doch mau die Büechr a wosidr hütt abiete
Au dä Schrott u Kitsch wo hüt aus Literatur
Vrchouft wirt si heis äntlech gschaffet di
Ächti Literatur ztöde wose so gergeret hett
39
I vrzeuedr nümme
I vrzeuedr nümme wasi schribe wasi lise u wasi
Ghöre wüu wenidr das aues würd vrzeue de wärs
Nie rächt u schtimme düegs o nie seisch gäng das
Kenni afe u so vrleidezmr eifach dir gäng wöue
Zvrzeue wasi grad schribe u wasi grad lise u wasi
So ghöre werum sötti das mache es ischja sowiso
Immr fautsch u vrchert udu weisches sowiso immr
Bessr ganz glich wases isch psungrs was Tmusig
Betrifft drbi ischmr Musig so läng wi breit i hami
Nie für Musig intressiert wüu Musig ischmr scho
Immr füdlewurscht xi was sägeni glichr aus glich
Ischsimr scho immr xi Erewort u wes eis Thema git
Ufdr Wäut womi übrhoupt nid intressiert de isches
Di huere Musig das chadr grad grediuse säge wüu
Es ischmr vöuig wurscht was Tmusig macht Tmusig
Ischmr so läng wi breit da chasch grad druf ga i fragere
Übrhoupt nüt drna nume dass das mau klärt isch zwüsche
Üs so mueschmr auso nümme cho sischmr eifach glich
Wär iz grad dr Schtar isch u wär vo au dene Kitschbrüedr
U Höilsuusene am meischte Schtütz macht u mit was
40
Bim Velopumpe
Bim Velopumpe dr Gring am Gido aschla u bim
Schneeschufle dr Schuebängu vrlüre das geit jano
Abr bim Ghüdrabebringe Tschtäge abeflüge isch
Eifach e chli zviu
Bim Bire Ineschrube ganz usem Glichgwicht cho u uf
Tschnure gheie odr bim Schuelöffusueche zaute Portmone
Widr finge sech bim Öpfuschinte i Fingr schnide dasch
Oscho zimmli heftig
Wede abr bim Ineparkiere Tchatz vom Nachbar übrfahrsch
Odr bim Briefchaschteläre aues i Dräck lasch la gheie audi
Schtürrächnige u Parkbuesse u au das ungfröite Züg de
Kapiersches äntlech
Bisch haut o langsam e aute Secku worde du Löu du Tubu
E aute Datteri wo aues grad latla gheie wonr i Pfingr nimmt
Unes gheitim gäng aues zmiz i Dräck u wirt nass u grusig u
Dräckig wine More
De chasch nume no ufz Ändi warte udr säge es geit
Nümme lang ude hezdi o du blöde Siech de chasch dr
Schirm grad für immr zuemache ude bisch riif füre
Sagibock du Gigu
41
Fasch jede hett
Fasch jede hett scho mau es Veieli gha six wüuer
Nid ufpasst hett six wägem Box i Tschnure du weisch
Scho werum u wasi meine de chame drvo usga dasme
Irgendeinisch irgendwo e böse Fähler odr es Eigegou
Gmacht hett
Mir wei iz nid wüsse werum u mir wei iz o nid wüsse
Vo wäm u wo u wenn abr sichr isch dasme würklech
Irgendeinisch e Fähler odr vilech sogar öppis richtig
Fautsch gmacht hett wüu sones Veieli chunnt gwüss nid
Vo säubr
I kenne eini dere hett dr Vattr odr Tmuettr deheime immr
Eine tunzt wesi widr e psungrs schlächti Note heipracht
Hett wüusi eifach scho zimmli tumm isch xi uni kenne
Eine dä hett eis gha wüuer grad im fautsche Momänt adr
Fautsche Gritte
Umegmacht hett u drbi tummerwis a Fautsch grate isch
Nämlech a dä Voupfoschte wo zersch drann isch xi u dä
Hett sozsäge es Vorrächt ufz Besitzrächt gha u zwar nume
Es Vorrächt uf di blödi Gritte u nume iri banale Gheimnis
Hettr vrteidiget
42
Ibi scho mau
Ibi scho mau im Wienrwaud anes Güggeli grate
Wo praktisch aui Fädere scho vrlore hett gha das hett
Nid grad schön usxeh ehrlech xeit das hett usxeh wi
Grupft abr mir isch das glich xi wüu i ha nid psungrs
Druf gachtet i ha nie druf gachtet mir isches scho immr
Glich xi ob di Güggeli Fädere hei odr nid u wesi hätte
Gha was fürigi si hätte gha u wesi scho keni me hei gha
Hani eifach diskret wägg gluegt wüu de hanimr gäng gseit
Sisch ja glich obsi ize Fädere hei odr nid wüu gfrässe
Wärdesi einewäg früechr odr schpetr obsi ize schön si
Xi odr wüescht das schpiute ke Roue meh i ha nidemau
Psungrs druf gachtet wassi für Fädere hätte gha wesino
Fädere hätte gha ob das ize schöni Hüenr wäre xi odr endr
Gwöhnlechi odr nume grusigi Wüeschti daschmr scho gäng
Glich xi wüu i hamr xeit dasi ja onid grad e Schöne bi abr
Audi Wüeschte übrchöme gängdi wüeschte Hüenr u nume
Di Schöne übrchöme die schöne Hüenr so widi Riche gäng
Di tüüre udi Schöne nume di schöne Tüüre übrchöme udi
Arme Sieche übrchöme gäng nume di arme Tschudeli u das
Was übrig blibt isch nume dr Abfau
43
Bim Singe
Bim Singe chamesech immr widr widrhole
Das macht nüt das ghört drzue es cha eine
Singe i liebedi i liebedi i liebedi i liebedi u
Das wi blöd umi chane Refrain näh oder e
Zile zum Refrain mache das darfme aues es
Ischja ganz ungloublech wassi mänggisch
Fürne Seich zämesinge wüu eigetlech chame
Bim Singe aues mache wome bim Schribe
Nie darf mache me cha zum Bischpiu zähmau
Zgliche singe wüu bim Singe passt das gäng
Ine u so chame aues dehne u uswitte odr abr
Vrzögere grad wime wott wüu Tmusig isch
Heilig im Gägesatz zum Rede wüu bim Rede
Schteitme immr nume mit abxaagete Hose da
Abr weme cha singe de hettme Zvouk geng grad
Uf sire Site das weis jede Sängr drum ischerja
Unantaschtbar das weisme sitem Ibikus wo vode
Kraniche vo Konzärt zu Konzärt begleitet worde
Isch u wosine ungrwäx irgendwo zTod gschlage
Hei hettr i sine Liedr eifach nones Bizeli witrgläbt
44
Es hett einisch
Es hett einisch e schtatbekannte Süffu gäh dä
Hett wenr isch inecho gäng id Peiz inegrüeft
Bodebodeguet
U aui hei glachet wüume gäng druf gwartet hett
daser mit sire Fahne u mit sim lut gmöggete
Bodebodeguet
Drhärchunnt u Tlütt idr ganze Peiz zum Lache bringt
So das aui fürne Momänt zuenim häregluegt hei
Bodebodeguet
Si hei abr nume druf gwartet das eventueu no öppis
Schlaus odr Wizix nachechunnt zu sim bekannte
Bodebodeguet
Si hei gäng lut useglachet u gchlatschet u gwungke
Abr es isch nie öppis angers drzue cho zu sim bekannte
Bodebodeguet
Das isch wahrschinlech zeinzige xi wonr druffe gha hett
Das isch eifach sis Zeiche xi sini Marggierig u sis Signau
Bodebodeguet
Das Signau hett nume ihm ghört uso hett niemr angrs idr
Peiz das Bodebodeguet dörfe inebrüele winär
45
Gäge Tmacht vode Biudr
Gäge Tmacht vode Biudr chunnt kene a
Twörtr si drgäge numenes Hüffeli Eländ
U Tmusig isch so öppis angrs dasmese
Gar nid cha vrgliche mitte Wörtr odr de
Biudr wo eifach aues schlö was umenisch
Biudr bringes u nume Biudr wüu die sech
Am tiefschte ipräge ide weiche Bire vode Lütt
Drum hettr Debilisator sone Macht dasmese
Mit nüt angerem cha vrgliche onid mit Musig
U mit Rede odr Schribe da chämsch grad gar
Niene häre das muesch eifach wüsse schüsch
Bisch schnäu mau am Arsch da cha nämlech
Eine schtundelang schnure u schnure u chunnt
Ke Sekunde lang uf gägene Foti vo zwöi chline
Chätzli odr Hundeli odr Poni odr Bibeli Biudr si
Wines Schwärt wo mit eim einzige Hieb dürt Zitt
Düreschnitt use grad abenang bringt wi nüt ufdr
Wäut wüu Biudr für immr blibe u dä Löu wo am
Debilisator schtundelang schnuret grad sofort widr
Vrgässe isch no bevorer änntlech Zmu zuegmacht hett
46
Früechr hätti das
Früechr hätti das wi nüt gschaffet
Sones blöz Diktafon zbegriffe es
Hettja fasch keni Chnöpf dranne
So dases eigetlech eifach sött si
Das chline Apeträätli i Griff zübrcho
Eifach hie drücke u hie dri rede u
När hie numeno druf drücke de chunnz
Widr use so mänggisch wide wosch
Das sött doch eifach zbegriffe si abr
Chuum probierenis us chuum fani
A drmit de geiz grad dr Bach ap u
Nüt passiert eifach nüt i ma mache
Wasi wott i bringes eifach nid häre
Ibi ztumm drfür i schaffes nid das
Blöde Grät i Gang zbringe sisch wi
Vrhäxet es isch vilech würklech so
Dasi eifach ztumm drfür bi i gibes
Ja zue i cha nidemau es gschissnix
Diktafon bediene u mi röiz ehrlech
Xeit dasis denn übrhoupt kouft ha
47
I has scho gäng
I has scho gäng mittr Füui vode Objekt gha
I ha scho gäng gärn grossi Warehüser gha
Ibi scho gäng gärn dür au di Märite zoge
Uni ha scho gäng gärn di Agebot agluegt
Ide Iichoufszentre u ide Schoppingmeile i
Weis gar nid werum i ha eifach das Agebot
Ganz ufmerksam agluegt wüu di vile Sache
