Z Bärn im Rosegarte E-Book

Roland Zoss

• Herausgeber: BoD - Books on Demand
• Kategorie: Poesie und Drama
• Sprache: Deutsch

Seitenzahl: 16

Veröffentlichungsjahr: 2025

Beschreibung

Bärndütschi Gedicht & Lieder Diese Sammlung umfasst seltene Texte und Lieder in Mundart von Roland Zoss aus 50 Jahren Rockpoesie. Einige der Lieder sind unveröffentlichte Raritäten und können dank QR-Codes direkt angehört werden. Über 30 CDs mit hochwertigen Booklets gibt es weiterhin im Shop zu kaufen. www.rolandzoss.com

Leseprobe

Inhaltsverzeichnis

Rosegarte Lied | Los Angeles 1976

Gitarre u Poesie 2001

Hie ir Frömdi Lied | «Härzland» 1997

Rägeboge Lied | «JimmyFlitz-Hits1» 1995

Tschou Sepp 1999

I ha mi i ne Polizist verliebt 2000

Im Getto Lied | McDavies/Elvis/Zoss 2003

Ds Gschänk Kloster Hauterive 2002

I bi nes Lied (für Role R.) 2010

Ds Gheimnis Lied | «SingDing» 2011

Ds Orchester Mordszart 2013

Jede jedi weiss Lied | «Härzland» 2003

Bueche Lied | «Baumlieder 1» 2018

Gang mit em Härz 2021

Strahlendi Stadt Lied | «Härzland»

Es git e Zyt Lied 2012

Rosegarte Lied | Los Angeles 1976

Ja, i gspüre d Zyt isch da

Wo-n i mues my chlyni Stadt verlah

ga luege wi die Wält usgseht

wo me ganz anders tuet u redt

wo-n es no ne Platz für Tröimer het:

I ga nach Amerika!

Ja, i gspüre d Zyt isch da

Wo-n i myni Fründe muess verlah

Wüll i ehrlech ohni z hüchle

Wett der Muet ha andri z strychle

all die alte Ängst z verschüche

wo-n üs nümm löh läbe lah

We d Sunne höch am Himu steit

u der Schnee vo de Chnoschpe gheit

de chume-n i wider hei

de wott i uf di warte z Bärn – im Rosegarte

Ja, i gspüre d Zyt isch da

wo me eifach zur Wält sött stah

zu dere wo men i sech inne treit

zu dere wo me druffe steit

das mer ändlech, wi‘s isch gseit

d Ärde chöi zu Heimat ha

We d Sunne höch am Himu steit

u der Schnee vo de Chnoschpe gheit

de chume-n i wider hei

de wott i uf di warte z Bärn – im Rosegarte

Gitarre u Poesie 2001

Wo-n i noch chlyne Chnopf bi gsi

da het my Tante gmeint

i syg no ne Schuehgrössi z chly